網民熱話：陪打機仲要付費　港女轟男友小家

正所謂「凡事太盡，緣份勢必早盡」，如果男仔孤寒成性，樣樣都計到盡，連女友都無情講，就算不致於分手收場，也難逃被女方「唱衰」的厄運。繼日前有女網民怒轟男友開車要收隧道費後，近日再有網民發貼大呻男友「小家」，竟然打機都要收「租碟費」。

發貼者稱，兩人拍拖吃飯時採取各付各（AA制）的方式也罷了，最意想不到是到男友家中打機也要收費。男友表示，遊戲機要3000多元，而遊戲碟也要300多元，所以花了不少錢，男友又指她一星期都會玩一兩次，如果可以收回一百幾十當作租碟費就好了。發貼者就認為，她是因為男友說悶才會陪他打機，且不是主動說要買遊戲碟，覺得打機收費極不合理，更指男友性格是「咁大個女第一次見」，到最後還是沒有給過錢男友。

網民看完發貼者吐苦水後，都認同男方十分「小家」，竟然連打機都想收錢，有人笑問男友有沒有向她收「屋企入場費」。也有網民建議發貼者要有樣學樣，按時數收回陪打機的費用。更有人狠批男方的性格十分難相處，連朋友也做不過，建議發貼者快快分手。

網民有話說

hiltonmm：咁佢屋企係租定買，你每次上去駛唔駛比入場費？

kc93：食飯AA制我覺得冇問題，但打機都要俾錢就真係好難接受

富加美：覺唔啱可分手，金錢絕對係相處上黎嘅重要問題之一

╭╮_╭╮文：咁妳咪當佢租妳做佢女友，同佢段鐘計收費囉！

smallcakehk：嘩，莫講拍拖，朋友都做唔過