網民熱話：九巴司機好心等客　慘被警員抄牌

巴士都會被抄牌？網上近日熱傳，一輛由尖沙咀廣東道開往大埔富亨村的271號九巴，在廣東道總站開出不久，疑在雙黃線停車讓「追車」的市民趕及上車，因而被交通警指違例，發出告票。網民鬧爆警察離譜，指該處平日有大量私家車胡亂停泊，警方疏於執法，反而拿好心幫人的巴士司機開刀，「簡直冇天理！」

有網民憶述，1月20日下午5時半，她在廣東道總站上車，司機開車數秒後，再次停下車讓剛趕到的客人上車，突然有警員上車，大罵：「仲唔畀我捉到你雙黃線停車！」然後向司機發出告票，令巴士延誤了20分鐘才開車。

網民紛紛替好心司機不值，指該條巴士線經常有其他車輛違泊，涉事271駛出站後，因被阻塞未能返回巴士線內，才迫於在雙黃線上客。不少網民指摘警方選擇性執法，「巴士站唔可以泊其他車是常識吧，警察點解唔去鬧呢？」

網民留言：

Claro Ng：咁廣東道以後畀晒私家車泊，唔好畀巴士行，好唔好？啲衰人真過份……

Hung ChiHei：各位每日見到違例泊車都要去投訴一次了。

Chong Ping：呢個廣東道總站一向係錯，咁旺嘅地方原本行人路已經窄，又冇上蓋，依家仲有大廈工程、路人、等車嘅……巴士要埋站統統唔夠位。