珊瑚飾物潮：專家教路　聽聲睇紋

如何分辨紅珊瑚及染色珊瑚飾物？珊瑚珠寶商Elaine Shiu教路，不同種類的紅珊瑚顏色有深有淺，勿單憑顏色去分辨是否天然，「天然珊瑚珠寶嘅聲音清脆，唔似普通珠仔聲音。用放大鏡睇，會睇到一啲波紋，好似人類指紋咁，每粒就算幾完美，都會有啲紋。」

她表示，紅珊瑚飾物，包括頸鍊、雕飾、原枝擺設的價格，由數百元至過百萬元，視乎質素而定，質素好的紅珊瑚飾物身上沒有小孔，顏色均勻，幾乎沒有瑕疵。顧客購買時要注意價錢，「如果1條賣萬幾蚊嘅紅珊瑚鍊，幾百蚊就買到，就要小心啲。」她指出，質素較差珊瑚頸鍊數百元就能夠買到，而珊瑚本身會多小孔，若買到染色加工的非天然紅珊瑚飾物，數年後，飾物更有機會脫色，甚至變成染色前模樣。她又表示如市民對購買的紅珊瑚飾物的真偽存疑，可以要求珠寶店提供證書。