海富苑警鐘誤鳴 「狼來了」鬧劇月演30次

20150215
東網電視
更多新聞短片
沈女士直指警鐘誤鳴問題令其不勝其擾,坦言「依家都麻木晒,聽到火警鐘聲都唔識走」。

大角咀海富苑海裕閣每戶均設獨立感測器及警報器,但簡單如家居煮食亦有機會觸動警鐘,最少600戶居民夜深時份不時受刺耳警鐘聲驚嚇,有居民坦言已失去警覺性,遇事或有礙逃生。

「個警鐘差唔多1日就響1次,因為有一個裝喺屋入面,響親都好似有人喺你耳邊燒炮仗咁!」海裕閣居民李先生指出,警鐘約於1年前開始已發生多次誤鳴,除走廊等公眾地方外,裝於單位內的獨立警報器亦會同時響起,每次誤鳴產生的噪音均嚴重影響休息,「明明喺屋企都冇覺好瞓,結果瞓覺都要分上、下半場,搞到返工都冇晒精神!」

李又擔心警鐘經常誤鳴會削弱居民警覺性,擔心鄰居遇上火警時仍對警鐘聲不以為然,白白錯失逃生機會,「如果真係火燭,會有好多人以為又係流料,走都費事!」

管理公司發言人指出,海裕閣共有604個出租公屋單位,大部份皆屬小型單位,按消防處規定的安全標準,房署已在每個單位裝有煙霧感測器及熱能感測器,並連接大廈的火警偵測系統,一旦感測到濃煙或高溫便會啟動,通知住戶撤離。

負責消防警偵系統的法團管業處證實,去年海裕閣平均每月發生31次誤鳴,期間共接獲兩宗書面投訴。

消防處發言人則說,由於海裕閣連接消防通訊中心的直通電話線一度暫停使用,故並無備存誤鳴紀錄,發出《消除火警危險通知書》後已要求重新接駁,其後2度因海裕閣商場火警鐘誤鳴而需派遣消防車輛。發言人續稱,估計誤鳴成因為個別住戶煮食時產生過量濃煙,導致煙霧感測器啟動警鐘。

香港公正行技術總監賴達明認為,事件起因或涉設計或設置不當,如要改善所涉成本亦應有限,「可能因為個警鐘校得太過敏感,或者安裝個位唔符合實際情況,要改動嘅話,應該唔使太多錢就搞得掂。」

「警鐘響消防處就一定要派人過嚟,如果咁啱呢區有第2度火燭,咪少咗人手去救人?」大角咀地區發展主任余德寶認為,警鐘誤鳴除對居民構成滋擾,亦會影響消防救援工作,要求房署盡快開展改善工程,「海富苑雖然有部份列入咗租置計劃,但海裕閣全部都係出租單位,房署作為大業主,絕對有責任確保租客唔受滋擾,同埋保障居民嘅生命安全。」