青年墮斃壓毀寶馬　車主為藝人鄭家生長子

馬鞍山富安花園13座今晨有青年墮樓，壓毀停泊在露天停車場的寶馬私家車。原來，涉事寶馬的車主為藝人鄭家生長子。鄭家生表示，他與妻子、從事賣車行業的29歲長子及26歲次子，居住在13座20多年，當時是單位連車位一同買入。

原本，他將其價值逾50萬元的銀色保時捷跑車，停泊在涉事車位，惟因數日前曾有碎石從天而降，刮花其座駕車頭冚，於是昨晚他將保時捷改泊路邊，長子則將自己的寶馬座駕停泊在車位，詎料飛來橫禍，「依家佢(長子)返工都冇晒心機。」鄭又無奈稱﹕「阿仔都有怨我，都唔知邊個唔好彩喇!」

鄭又指，長子數月前買入寶馬私家車，早前駕駛時不慎撞毀車頭，怎料今日會再遇橫禍，「唔小心，前面有小小揩到，全部整好晒，用咗成萬幾二萬蚊，年28、29去車房攞番出嚟，等緊公證行聽日嚟影好相，就OK喇，而家咁點搞呢?」

至於新年遇上無妄之災會否擔心「唔吉利」，鄭稱﹕「百無禁忌，從來唔怕呢啲嘢。」又指日前「新正頭」時，他與女星吳家麗也曾到九龍殯儀館拍攝，「過年瞓棺材都係咁瞓O架啦」，故不會感到害怕，將來亦會繼續使用該車位。