何潔泓閃光彈晒戀情　惹岑敖暉粉絲鬧cheap

學聯副秘書長的岑敖暉(Lester)，與前學聯副秘書長何潔泓(Willis)的戀情早前曝光後，觸發岑的女「粉絲」在社交網站facebook嗌交。岑其後出席公開活動時，被追問是否與何拍拖，他以甜笑作回應默認戀情。事隔個多月，何潔泓終於在今日凌晨時分於社交網站Instagram貼上二人甜蜜合照，結果同樣令女粉絲爆發罵戰，有人更罵何潔泓好「cheap」。

事緣何潔泓在Instagram貼上二人對望的合照，又寫上「兩個小器鬼，倒模性格，仲唔火星撞地球，好想同你瘋狂辯論」。何在社交網站上大晒甜蜜「閃光彈」，固然贏得不少祝福和「like」，但同時惹來岑敖暉的女粉絲不滿，她們甚至相繼在facebook專頁「‎捍衛lester alex佔領巫山HeHe團」上發貼表達不滿，亦含有指責女方的成分。

Julia Tong Yeung：「把你挽在手邊，IG(Instagram)會由小氣的300 likes爆升。用來支撐流失的注視就是手袋的王道，說穿了，是價值。便宜的合照回收再用，幫補我的人氣，他們說原本是一種罪。」

潘婷：「依家你Po張咁嘅相，仲要打句咁嘅嘢，我唔係葡萄，唔係妒忌，而係覺得你好cheap，呢頭話要低調，嗰頭又夜媽媽(麻麻)Po張咁嘅相，有膽Po FB，橫掂你都高調咗啦！」

Charity Lee：「如果我哋話『她』一次又一次為他製造麻煩，令他呢段時間一日比一日憔悴，咁大家會唔會覺得近期的post同留言都無情地為他加添了更多煩惱同壓力呢？」

Kiki Koko：「而我已不知道低調是甚麼...但係，如果你懷疑有人想高調展示某啲嘢，最好嘅應對方法係唔好留意佢。愈鬧愈高調，不就正正話畀你聽佢其實enjoy緊？世界上有啲人係好喜歡自製『不招人妒是庸才』之假想，係好享受自編自導『全世界都針對我』的自戀。」