網民熱話：婚前揭女友欠巨債　仲結唔結婚？

「百世修來同船渡，千世修來共枕眠」，若能與愛人走進婚姻階段是一種緣份，應好好珍惜；但男女之間相處是複雜學問，若婚前發現另一半有惡習或欠下大額債務，「咁仲結唔結婚？」

最近有網民於討論區發貼分享指，一名男友人與未婚妻同居5年，近期發現未婚妻欠債數十萬元，而平日的租金、生活費均由男方繳付，未婚妻雖月入2萬元，卻積欠大額債務，質疑她「唔知啲錢去哂邊，一個人用點都夠啦。」

貼文引起網民廣泛討論，有網民猜測女主角拿錢去「貼其他仔」、買名牌或賭錢；有網民認為女主角誠信有問題，沒有向男友坦白財政狀況，奉勸男方結婚前須慎重考慮。另有網民力撐女主角，直言「兩個人財政獨立，女友又冇用佢錢又冇叫佢幫手還，其實有咩問題呢？」有些指欠債十幾萬是「濕濕碎」。

更有網民感同身受，紛紛回覆分享自己或朋友經歷，當中一名網民說「知道有個朋友都係咁，但結左婚先知，條女個個月還min pay(最低還款額)，碌下碌下變咗幾十萬。依家仲要仔都生埋，加埋條卡數，人生可以話玩完了。」另一位回覆者就批評，「洗腳唔抺腳嘅人」與病態賭徒無異，認識一位友人有相類情況，指該友人婚前幫女友還清欠債，但其女友婚後舊病復發當自己是闊太，友人需做多份兼職「先養得起佢」。

網民有話說：

MeeToo：習慣來的，很難改。結婚就要接受現實

CatInWonderland：如果佢好賭或好名牌野.....兩萬唔夠洗TIM!!

szaome：咁佢地財政獨立，我覺得個女仔無問題WOO...而家又唔係叫你朋友幫佢還錢

笑少爺：二十幾萬咋，條仔找左佢咪得羅，咁吾舍得D錢，仲話要娶人

鬼魅玫瑰：十幾萬算什麼=_=