黃花梨木家具價值　視乎手工木質及油性

黃花梨木家具有價有市，成為爆竊集團的目標，有業內人士教路如何分辨品質好的黃花梨木家具，又稱是次險被盜的明式餐檯椅，應是名貴古董。

業內人士表示，鑑別及釐定黃花梨木家具的價值，要根據手工、木質及油性去判斷，「木傢俱要入榫，要睇下接駁位有冇罅，有冇突出，會唔會因乾燥而開裂。至於木質極硬，就冇咁容易開裂。油性方面，製作嗰陣都會上蠟，但久而久之蠟會脫落，要睇下木本身會唔會出一層天然油性。」

黃花梨木尤以海南出產的最名貴，其次為越南，已接近絕種。於產地買入花梨木原材料後，會送予木匠師傅作後期製作成家具，當中共分廣作、京作及蘇作。而其店舖主要由印尼引入大葉黃花梨木，送往蘇杭由老師傅製成家具。

以是次險被盜、價值200萬元的明式餐檯椅為例，一般超過百萬元的木家具，本身應是古董，或是以罕有稀少的古木製成。由於古木產量少，價格高，只要手工好，不論古董或仿製新式中式家具，都值得被收藏。

至於在什麼地方買紅木家具最好，業內人士指：「內地品質比較參差，要睇你識唔識行家，有冇眼光，有冇研究過木材。」否則可能會買到品質欠佳的家具，「始終喺香港買有保證啲，過濾咗啲劣質貨。」