網民熱話：狂數男友6大缺點　網民插爆港女

女士普遍期望另一半是「高富帥」、有心思及有主見，但部分香港女仔本身欠缺條件，卻對男友有「離地」的要求，被嘲諷為「港女」。近日有女網民細數其男友多項缺點，包括身材矮、怕睇鬼片驚入鬼屋及無新意等，最不滿意的是男友對選擇食哪一間酒店的自助餐，也沒主見，令女網民大動肝火，卻反被網友批評要求脫離現實，性格「港女」。

事源近日有網民在討論區發貼，細訴男友6大缺點：身材矮；怕坐過山車、驚老鼠曱甴，細膽過女人；無車，去食消夜唔方便；無新意，對食物無要求，只識帶女友食麥記、譚仔同吉野家；去高級餐廳食千幾蚊大餐，連一蚊「貼士」都取回，成個師奶咁；最嚴重係完全無判斷力，諗15分鐘都無法決定食哪一間酒店自助餐，最後竟叫女友決定！網民指樓主既然如此不滿，為何不斬纜分手？亦有網民指樓主嘅缺點，可能仲多過其男友，其他網民亦批評，樓主可能得一項港女性格缺點，不過已經非常難頂。

另外，有網民指若男士有齊樓主期望嘅特質，可能早已絕種，勸樓主回歸現實，並指若有男士若具備優厚條件，不是九成九已結婚，就是其老婆九成九不是港女！亦有網民勸樓主將心比己，即使找到富二代做男友，對方亦可能會玩弄感情，亦有網民感嘆，沒有該6大缺點的男士，早已去搵17至24歲嘅大美人结婚，怎會搵「廿到尾」嘅港女來受難？

網民有話說

angie_k：咁不滿點解唔分手？

真的膠不了：你得一樣缺點已經非常惡頂--->港女

sunnykiller：有啲嘢叫將心比己，就算畀你搵到富二代做你條仔，你咪又畀人中出即飛！

palmaxpc：無呢6樣嘅男人，都去咗搵17至24歲大美人、美處女同非港女结婚啦，仲搵你啲廿到尾、仲唔係處嘅港女受難呀？