阿Sir大戰3米長蠎蛇　捉住蛇尾搖到佢暈

網上最近流傳一段「警蛇大戰」片段，內容見1名警員及3名市民，在1個山坡之上捕捉1條巨蠎蛇，山坡下尚有其他人在協助，當見蠎蛇不斷在掙扎時，即高呼「唔好撥（條蛇）落嚟呀！」

其後，山坡上各人試圖以膠袋及毛巾覆蓋蛇身，但未能套住蛇頭，反而被巨蠎視作挑釁，一度昂起蛇頭，直撲向其中1名捉蛇者，眾人立刻驚恐四散，情況驚險。

期間，警員一度捉緊蛇尾狂搖，但蠎蛇不斷掙扎，更作勢反撲向警員，警員立即將其丟下，蠎蛇疑被搖到暈，脫身後即由山坡滑落，在場人士驚叫「嘩！跌落嚟喇！」同一時間，蠎蛇亦沿護土牆跌落山坡旁一幢樓宇的平台，顯露出「真身」，其身長約3米，粗約3吋。現場人士無不嘩然，有人立刻大呼「關房門喇喂！」亦有人立刻搬出一個大鐵桶準備協助捉蛇，又大叫「唔好走呀！……笠住佢！」但因「狂蟒」身形巨大，未有貿然行動，有人於是叫「放佢走」。

當各人仍在爭論是否捉蛇之際，蠎蛇已乘亂損出平台樓梯間罅隙，跌直墮下一層樓的地面，再逃離現場。

該段捉蛇片段長約2分鐘，但事發地點及時間均不清楚，有網民指，事發地方是大嶼山塘福懲教署宿舍。另有網民則指巨蛇「咁大條」，捉蛇場面仿如拍電影。