大成街街市升降機整完又壞　食環根治無方

黃大仙大成街街市載貨升降機近年故障頻仍，影響商戶運貨。郭先生為食材供應商，每星期最少有4天要運送食材到大成街街市。不過，郭發現多年來2部運貨升降機經常故障，有時甚至2部同時損壞或維修，「大部分時間都有1部壞，得番1部嗰陣，就會搞到成村人排晒長龍等，仲要整極都壞，我喺度搬貨10年佢就壞足咁多年！」

郭不滿食環署無視問題，對使用者帶來極大不便，「呢度係食環管，佢哋個辦公室就喺街市3樓，但就完全冇理過、冇諗過啲升降機點解整極都壞，一味淨係叫機電署搞，都唔知點做嘢！」

記者實地了解期間，發現街市2部載貨升降機中有1部被圍封，大批商戶排隊等候使用僅餘的1部升降機，由於現場環境悶熱，令不少等候者皆「大汗疊細汗」。

機電工程署發言人證實，過去1年接獲18宗有關大成街市載貨升降機損壞個案，其中有17宗由食環署轉介，但指有關升降機故障個案有9成屬人為因素，其餘則為輕微機件故障，主要涉及電子及升降機門部件等，而過去1年每部升降機各涉維修費約35萬元。發言人又承認，記者視察當日其中一部載貨升降機機槽受水浸影響而故障，需作全面維修，預計需要13個工作天完成。

食環署發言人則說，一向關注上述升降機使用情況及安全，當發現升降機故障，會立刻通知機電署作緊急維修，根據記錄，大部分維修工作皆可於通報即日修復並重新投入運作。發言人續稱，已提醒檔戶愛惜公物，並已派員於運貨繁忙時間在場監督和協助市民使用載貨升降機。

「如果食環有心改善，早就應該同機電署溝通，而唔係次次都話『我唔係做呢啲嘢』就算！既然每年用咁多錢維修，點解唔考慮成部換咗佢？」當區區議員莫應帆指出，機電署資料顯示，大成街街市屬同區3個大型街市中營運年資最短、卻為升降機損壞次數最頻密的街市，認為食環署有責任加強與機電署溝通，積極研究根治方案，以免令公帑白白浪費，同時對市民造成不便。