蝙蝠入侵：福鼠入屋好事近

蝙蝠入村，是福是禍？玄學家周漢明表示，蝙蝠是古籍中所指福鼠，福鼠入村或入屋，寓意吉祥，但仍要視乎其居住位置而定。

「如果間屋有人住，有1、2隻福鼠(蝙蝠)入屋，代表嚟緊有好事發生，例如有人嫁娶、添丁等喜慶事，所以唔好趕走或拍死佢哋，佢哋停留一陣，自己飛走就得。不過，千祈唔好畀佢哋留低做竇，一陣愈引愈多，就會影響環境衞生，不利健康。」周漢明認為，該處本身環境風水好才會有蝙蝠，居民如遇到蝙蝠，並不用太擔心。

至於蝙蝠於廢屋居住，周漢明則指，要視乎廢屋的位置，如果距離其他有人居住的屋後較遠地方，亦是代表「有後福」，但如距離太近，或於屋前，就非好事，「太多蝙蝠會增加廢屋陰氣，就好似一個蓬頭垢面嘅人，太近或企你前面都唔係太好。」