獸醫診所疑失誤令絕育狗死亡　狗主投訴無門

「出事前一日仲同佢喺花園沖涼同玩，點解咁小嘅手術都會死？」薜先生早前安排七歲的雌性老虎狗「大口妹妹」到動物醫院接受絕育手術，並親自致電預約，當時已提供愛犬年齡等資料，再由友人與外籍傭工將狗隻送到醫院。未料7小時後薜突接獲醫院通知，指大口妹妹接受手術後突然呼吸不順，最終不治，令薜大感震驚。

薜先生其後到醫院了解，始知悉院方將愛犬誤當為2歲，然而醫院拒絕承認責任之餘，亦未能解釋狗隻死因，「佢哋話係我朋友同工人講錯，但明明我Book手術時間嗰陣已經講明隻狗係7歲，如果有疑問點解唔直接打畀我問清楚？仲有，作為一個專業獸醫，點解會連隻狗幾多歲都分唔到？」薜指事後未獲醫院發出任何文件，只能就事件報警處理，但至今仍無法為愛犬取回公道。

涉事動物醫院發言人表示，有關狗隻在手術當天由狗主的友人及外籍傭工送抵，二人均聲稱狗隻為2歲，並代狗主簽署手術同意書，故以當時所做的正式登記資料作準。發言人又稱，由於代理人事前並無要求為狗隻進行額外詳細身體檢查，故只進行一般檢查，結果顯示正常，而手術期間犬隻呼吸心跳及麻醉程度均屬正常，惟在甦醒期間呼吸心跳突然變慢，經搶救後不治，事後與主人聯絡才驚悉犬隻年齡為7歲，強調事件屬罕見意外。

香港獸醫管理局則稱，該局為負責規管本港獸醫執業的法定機構，接獲市民投訴後會就個案展開調查和討論，決定是否將個案轉交紀律研訊，如投訴成立，有關獸醫可能會被懲處。

「成件事都好似好唔合邏輯，坊間好多動物組織都會捉啲流浪貓狗去獸醫度醫病，都唔會知啲貓狗幾多歲，唔通啲獸醫又可以用呢個理由亂咁醫？」立法會議員麥美娟認為寵物醫院應交代事件，同時批評獸醫管理局雖有業內守則供獸醫跟從，惟巡查及監管力度皆嚴重不足，亦欠缺透明度，認為當局應盡快檢討，避免再有小動物無辜受害。

獸醫黎昌生指出，雖然愈年長犬隻接受麻醉的風險較高，但獸醫倘有做足預防措施，風險理應與幼犬相若，「有時啲狗去到7歲啲牙都好乾淨，都未必分到歲數，但係2歲同7歲嘅風險分別唔大，當然7歲嘅麻醉風險會高啲，但只要做足麻醉嘅預防措施一般都冇問題。」

黎又稱，獸醫一般會在施麻醉藥前為狗隻作全面檢查，包括查詢病歷，而麻醉時亦會為狗隻吊鹽水並使用先進麻醉藥，若狗隻已屆7歲，亦建議抽血檢驗狗隻肝腎是否有隱疾以減低麻醉風險，「麻醉本來都有風險，雖然唔常見，但如果做足晒都出事，主人都要留意番個風險。」