網民熱話：食奇異果保青春？早睡早起最養生

正所謂女人唔Keep好易老，但如何養生女士們都會各施各法。有網民開貼請教一眾「絲打」，希望集思廣益一些養生妙法，冀返老還童，就惹來近150人回覆。有人建議每日吃3個奇異果，進食時速度要慢；亦有人以中醫角度出發，解釋要脾胃好才可吸收養分，籲女性勿食生冷東西等，不過似乎最多人建議要「早睡早起」，甚至笑指「上少啲網」令自己多點休息。

網民rachelli617在討論區上發貼，指「係女人都貪靚，要保持愈大(老)愈靚，係有難度！」，稱曾聽聞每日食3個奇異果，可保持健康和年輕，請一眾姊妹們分享一下養生美顏心得，及請教有何日常生活或飲食習慣，可養生及青春常駐。結果大批網民紛紛回應，大談秘方，包括早上空肚飲一杯500ml蔬果汁，飲完1小時後才吃早餐、吃東西要慢慢食，更有人指每天要扎(紮)馬練功。雖然未知那個方法有效，但幾乎所有人都同意，早睡早起必能養生！

網民有話說

最後回覆：我半個鐘跑步(運動場6個圈)，最少6杯水，食大量生果，睡最少8個鐘，日日full (敷)「媽士」(面膜)，洗米水洗臉，擦(塗)防哂(曬)，美白。

歌莉亞:每星期飲一日十穀米漿，食一日養生粥(淮山百合果皮咸廋(鹹瘦)肉)，早睡早起，做瑜伽，跳舞。

kennwl：中醫師教生果係屬寒涼嘅！唔雪嘅生果當然比雪凍生果相對無咁寒涼。日間食比晚上食好，也不應空腹晨早食！

saiteilife：每天午睡片刻；另外中醫教授話，人老腳先衰、所以每天要扎(紮)馬、不過呢様好難、唔夠一分鐘，腳都震曬(晒)！

奧米加:每朝飲一杯檸檬水

※緊貼網民熱話，掌握最熱話題，請關注 on.cc 東網fb：

http://on.fb.me/1Tp8ICL