政Whats噏：獨身18年　葉劉交友會搵伴侶？

不少事業女性忙於工作，要搵個伴侶都好困難，可能要參加交友會先有機會搵到另一半。立法會議員葉劉淑儀就在社交網站上自爆，她打算參加交友會，莫非獨身18年後，想搵第二春？

原來葉劉是獲有「鑽石媒人」之稱的新黨友吳美玲(Mei Ling)邀請，在明年2月臨近情人節時，出席亞洲單身貴族交友會「小緣圈博覽」，還會擔任座談會的其中一位主講嘉賓添！不過，葉劉自稱太忙，獨身18年已經習慣，都不打算搵伴，但自稱是「熟女結婚」的好樣辦。

葉劉稱，當年不少人都早婚，她31歲才結婚，丈夫亦是經親人介紹，而現代人工作忙，很難識到工作以外的人，有人介紹都不錯。葉劉還向一眾熟女發放小貼士，就是最緊要記住「你揀人、人揀你，態度要實際啲」。Mei Ling曾經幫電視「盛女」真人騷擔任顧問，做媒人經驗老到，加上葉劉的「熟女結婚」經驗，相信幫到不少單身人士。

※更多政經猛料、秘聞，請關注 on.cc 東網fb：

http://on.fb.me/1Tp8ICL