新iPhone爆退訂潮　果農cut單打足3個鐘熱線

iPhone 6s及iPhone 6s Plus前日(12日)接受預訂觸發瘋搶，但炒賣市場吹淡風，不少「果農」爭相「cut單保平安」!一名生怕蝕本的市民聲稱今早致電蘋果熱線打算取消訂單，竟打足3小時才有人接聽，讓她懷疑取消訂單人數實在太多而令熱線極度繁忙。不過，有熟悉iPhone炒賣流程人士提提各位，所謂「cut單容易訂機難」，根據以往經驗，只要訂單狀態未轉為「PFS」(Prepare for Shipment)，也可隨時取消訂單，而且上網cut單過程簡單，實在毋須cut得太急，「除非你訂咗十幾部，蘋果又無主動cut你單，否則等多陣先決定都未遲。」

市民T小姐傳來一張電話截圖，顯示她曾致電Apple Store客戶服務熱線800 908 988，通話時間竟長達3小時30秒，以截圖顯示時間為今午1時推算，即她由早上10時起便嘗試與蘋果通話。T小姐指，熱線一直無真人接聽，讓她等足3小時，「想打去cut部玫瑰金iPhone 6s，但3個鐘先有人聽，真係好離譜，我估應該好多人想取消訂單。」

不過，旺角先達廣場一名手機水貨店員工估計，T小姐若非新手炒家就是「假淡友」，希望自製燶味誘使其他炒家也急急放貨，令街貨量減少而推高炒價，「要cut單上番Apple Store個網click兩click(按鍵)就得，如果唔係新手點會打熱線，條熱線出名繁忙，得1部機唔使咁驚啦，cut咗第日又後悔。」他又預料，2款新手機於發貨日後首1星期仍有2千至3千元利潤，若非持有大量訂單毋須擔心蝕大本。

東網記者剛剛亦曾試打800 908 988熱線，當選擇查詢訂單項目後，錄音會要求來電者輸入訂單編號，數秒後錄音就表示線路繁忙「請稍後再來電」，即使不願掛線，系統也會1分鐘後自動掛線，暫無法確定T小姐被「Hold線」3小時的原因。

市民T小姐其後再補充指，因她是用訪客身份買機，並非以Apple ID購買，不能直接到網上取消訂單，必須致電熱線取消，故無法上官網click兩click就完成取消程序，無奈地要打足熱線3粒鐘。