政Whats噏：陪女上庭　岑敖暉庭外煲煙提神

東區法院今早審理多名反新界東北撥款示威者，在去年6月衝入立法會大樓抗議的案件，其中一名被告為土地正義聯盟召集人何潔泓，亦即「佔領男神」學聯前副秘書長岑敖暉的女友。岑今日亦有到場，但未知是為了聲援各被告，抑或純粹陪伴女友。

可能因不慣太早起床，岑敖暉看來還未完全瞓醒。當今早聲援人士示威結束後，何潔泓等各人陸續步入法庭受審，岑立即拿出一根香煙放在唇邊，準備在法院門外點火煲煙，提一提神。難道女友不准他在自己眼前食煙，要趁何上了庭先可呼吸一口「自由的空氣」？

不過，當發現有記者在場拍攝，一向重視自己形象的岑敖暉，隨即警覺地快手收起煙仔和火機，然後若無其事地，與坐在法院門口石級上食早餐的社民連副主席黃浩銘扮傾偈。身兼公眾人物同「跟得男友」兩重身份，真係唔易做呀！