海輝道小巴站活丟空 晚間淪停車場

20151016
東網電視
更多新聞短片
海輝道小巴站幾近廢置,晚上更淪為「免費停車場」。

「以前呢度都係小巴總站,但自從起咗個新嘅交匯處,小巴線啲總站搬晒入去,呢邊個小巴站就一直都近乎空置,間中先有1、2架小巴駛埋嚟,去到夜晚啲私家車就會喺度亂咁泊!」一直居於大角咀的楊先生指出,近海輝道有1舊小巴總站多年來幾近停用,認為運輸署未有善用該處。「仲會經呢度嗰2架小巴平時上落客淨係會停喺馬路邊,平時啲人上車落車都係好天曬,落雨淋。我就唔明,點解幾年前起咗個站,有埋上蓋喺度,但因為有個新站,舊嗰個就好似完全冇用,就咁擺咗喺度?」楊質疑該署未能「地盡其用」,有浪費資源之嫌。

記者曾多次到場了解,期間各輛小巴停站時只停於馬路旁石壆,並未駛進該小巴站的上蓋範圍;下午時分有展示「暫停載客」及「滿座」牌的小巴停泊於該處,小巴司機於車內休息至特定時間才駛離上址,休息期間未有熄匙。而晚上則有約4、5輛私家車於該處違例停泊,令該站猶如「免費停車場」。

運輸署發言人表示,該站於1999年起用作3條小巴線的總站,為配合附近一帶屋苑入伙,有關路線的總站於2008年遷往維港灣公共運輸交匯處內,上址停車灣則保留作其中2條小巴線的中途站。發言人指,署方正研究將部分停車灣改作其他用途的可行性,亦已將有關車輛違泊的投訴轉介警方跟進。

發言人補充指,因該處是以項目形式委託港鐵興建,因此並無有關以上停車灣連上蓋實際興建費用的資料。

立法會交通事務委員會委員郭家麒質疑,運輸署當初規劃未臻完善,令上址出現有關問題,「以前考慮得未夠周詳,冇預計到喺鄰近地方又起多1個交匯處,係會令到舊有嘅總站失去原有功能!」郭又指,交通交匯處「一地難求」,促善用該處,「畢竟喺市區可以用作交通上落嘅地方唔多,而且仲起埋上蓋,唔應該就咁擺喺度。」郭認為運輸署應督促相關小巴避免在路邊上落客,亦建議可將該站改作其他用途,例如供旅遊巴士或學童校巴上落,甚至是針對居民需要加開新巴士、小巴路線駛經該處,發揮實際價值。