網民熱話：暗黑料理大晒冷 網友呼好地獄！
20151022
東網電視
更多新聞短片
地獄廚房菜式，你夠膽吃嗎？
不少家庭主婦每日都要苦惱烹調甚麼菜式，有網民就特意由網上收集極具「創意」的菜式，為大家搞搞新意思，絕大部分的配搭，肯定大家未聽過未見過，甚至諗都未諗過，保證令你大開眼界。登登登凳！菜式包括辣油煮豆腐花、湯圓烏冬及柚子蜜炒冬瓜等等。不少網友看畢後大呼「真係好地獄！」形容是暗黑料理，直言寧願餓死都不會吃。
有網民在facebook以圖文並茂方式分享有關菜式，包括把整條魚與茄子一起烹調的「真．魚香茄子」，獲網友點評「魚嫩矮瓜生，瓜熟魚肉老」；中西合璧、以米及通粉煮成的「真．米通」；命名為「血染的風采」，相信為萬聖節應節食品的蕃茄薯仔紅菜頭湯；將3隻蛋不加水清蒸的「蒸無水蛋」，以及被形容為「好變態」、屬季節限定的月餅炒番茄、月餅炒辣椒。
眾多網友都笑言看到以上菜式後，都不禁想起自己的娘親，有人更直呼原來其母親的榴槤雞湯，原來都未算太差。有網友則大讚菜式具創意，認為每日一味，必然精神爽利，更言「點少得」豉汁蒸橙及椒絲腐乳西瓜。不過亦有網友留言負評，認為以上沒有一道可以稱做「餸」，又質疑「點解要將啲食得嘅嘢，變成唔食得？」批評是浪費食物，大嘆非常「折墮」。
網民有話說
BO B Bowen：人類最終都要滅亡
林暁寶：是如蘭(盂蘭)菜單嗎
Tracy Chan：真係好地獄！睇完都飽喇！
胡森：唔好喺食嘢前睇！
On On：比份子料理更高層次既(嘅)養生料理
※緊貼網民熱話，掌握最熱話題，請關注網民熱話fb：