榮芳街街市檔似貨倉　食環署束手無策

「正常嘅檔口點會加度門成日閂埋佢，唔做生意咩？咁明顯食環署冇理由唔知，真係好想知道究竟食環做緊乜嘢？」葵芳街坊陳先生（化名）指出，榮芳街街市為區內主要街市，卻有檔位長期「關門大吉」。陳表示街市內檔位各有指定的經營行業範圍，「呢個原本係賣生果嘅檔口，但已經好耐冇賣生果，只係用咗嚟擺吓貨，當咗做貨倉！」

陳又指有關檔位長期關門沒有營業，據悉只利用店內雪櫃作儲存凍肉，質疑食環署執法不力，變相縱容檔戶公然違反租約。記者現場巡查所見，有關檔位舖面完全封閉，沒有開門營業，與鄰近檔位截然不同。而該檔位僅展示檔號，並安裝趟門，門外則擺放不少雜物，例如帆布椅、發泡膠箱、竹籮及紙皮等。

食環署發言人表示，榮芳街街市共設112檔，出租率為96%。發言人承認，有關檔戶獲批准在其檔位內出售生果，該署職員近期巡查時發現該檔戶未有按租約規定售賣指定貨品類別，已即時發出警告。過去1年，該署曾接獲2宗同類投訴，並曾發出2封警告信。該署會繼續留意上址情況及採取適當行動。

「租約規定經營嘅行業，食環署有法就要執行！」立法會食物安全及環境衞生事務委員會副主席何俊賢認為，食環署責無旁貸，必須改善轄下街市的經營環境，提供更佳的購買及營商環境予市民及檔戶。租戶承租街市檔位後，如未有依照租約經營，由零售擅自更改作貨倉用途，不僅涉及違反租約問題，更會影響其他檔戶經營，「街市有唔同嘅嘢賣，先至吸引到人流，令生意愈做愈旺！如果由得零售變咗貨倉，咁樣會影響咗其他守規舉嘅檔口租戶！」何促食環署必須正視，除警告外，亦應予以整頓，取締違規情況。