大閘蟹放題：僅吃膏棄鉗腳　老饕識食不惜食

近期不少食肆推出任食大閘蟹，食客付出一個價錢可在限時內狂食大閘蟹，吸引大批食客挑戰極限，有食客自稱兩小時內狂吃24隻大閘蟹。不過不少人為求回本，竟然只吃蟹膏，蟹鉗及蟹腳全部成為垃圾。環保團體認為食客做法浪費，加重都市固體廢物數量，極度大嘥。有醫學界更指，食客狂食蟹膏，最終只會賠上健康。

現時正值大閘蟹當造季節，坊間不少食肆推出任食大閘蟹餐。有食肆以大閘蟹重量計算價錢，大閘蟹愈重，收費愈貴，收費由200多元至600多元，客人在指定時間，任點任食。不過不少食客卻將任食視為挑戰，事後將蟹蓋相片上載上網鬥一番。有人在社交網站分享任食心得，更有大量「戰績」，有人聲稱吃掉約10隻大閘蟹，最高紀錄是進食24隻大閘蟹。

記者於晚上到元朗及土瓜灣等推出任食大閘蟹的食肆視察，部分食肆限定客人在75分鐘任食大閘蟹及其他蟹粉食物。當日是周末，食肆坐無虛席，有食客在門口等候時，已開始商議策略:「一陣坐低即時叫大閘蟹，每次可以叫三隻，唔好執輸。」友人回應說:「邊食到三隻咁多?我平時喺屋企食，食一隻都要成半個鐘啦。」對方即時教回本之法:「識食梗係食蟹膏，唔係食埋肉呀?依家任食，食得多至回到本。」

有纖瘦女士在指定75分鐘內，一口氣吃掉六隻每隻重四兩的大閘蟹，枱上剩下大堆未有進食的蟹腳及蟹鉗。一名食客表示，自己吃了七、八隻大閘蟹，開始時仍會將蟹鉗、蟹腳等蟹肉食光，但至中段感覺時間緊迫，便開始「食膏唔食腳」，雖然覺得浪費，但為了食得更多更抵，只好放棄較花時間的蟹腳。

記者向該食肆查詢，其中一間食肆負責人昌哥表示，該店經營大閘蟹銷售多年，今年是首次推出任食大閘蟹，吸引不少食客挑戰，但他表示浪費食物情況不算嚴重，大部分人都會盡量食光整隻蟹。若有客人浪費食物，員工會上前勸籲。

綠領行動總幹事何漢威表示，食客只食蟹膏的做法嚴重浪費食物，不環保之餘亦加重本港都市固體廢物數量，「依家香港每日產生嘅廚餘係逾3600公噸。」他指政府有需要加快落實都市固體廢物徵費計劃，食肆亦應向嚴重浪費的食客實施按量額外收費。