「3香港」固網長期失靈　客戶怒撤合約

「3香港」又涉提供電訊服務失誤，累客戶生意大跌一半！上水一間銷售飲水機的公司去年底開始使用「3香港」商業固網電話服務，惟半年來服務不穩，不時無法接收電話，招致嚴重生意損失。事主向「3香港」投訴，但對方竟賴客人「條線有問題」，置問題於不顧，直至東方報業集團介入，「3香港」始派人檢查大廈機房，發現是其提供的機器固障，客戶其後主動要求取消服務。立法會議員批評，相關電訊商服務質素參差，管理不善，致出現拖延客人，服務未能達標的結果。

「我哋公司7條熱線都成日打唔通，搞到啲客打唔到嚟訂貨！個個星期都打去(3香港)投訴，真喺好忟，投訴完仲要冇乜改善！」林小姐於上水一間銷售飲水機的公司工作，靠7條電話熱線及1部傳真機接受客戶訂購，她坦言「靠晒部電話做生意」，但自今年年頭公司轉用「3香港」的固網電話服務開始，半年來經常出現電話無法接通情況，嚴重影響公司業務，「平時每日會收到2、3百個電話，但用咗3後，時不時電話(故障)半日冇響過，損失一半生意！」

就電話服務不穩問題，林曾多次向「3香港」反映，雖獲安排師傅上門檢查，但不久又故障重現，問題根本從沒解決，「我哋成日問喺咪佢哋啲系統或者啲線有問題，叫佢哋檢查下，但佢反而問番我哋轉頭，話喺咪我哋自己啲線有問題。根本就唔重視啲客，冇積極處理過件事！」

林不滿「3香港」處事敷衍，漠視客戶需要，直至「同東方投訴後，佢哋終於肯搵個人再上嚟睇睇，結果檢查到大廈機房，先話係佢哋自己部機有問題！」林亦直言「(「3香港」)服務咁差，搞到我哋咁火滾，以後唔會再用！」林隨即要求取消相關服務合約。

「3香港」所屬的香港和記電訊發言人承認，於今年初曾接獲林小姐反映公司電話線路未能連接，其時已即時派員跟進，服務亦已即時回復正常；至今年7月再接獲林小姐反映服務出現故障，公司亦已派員到林小姐公司進行詳細檢查及維修，服務已回復正常，並且已應林的要求取消7條聲訊電話線的合約。

本港的電訊服務一直引人詬病，消委會去年接獲3萬1千多宗投訴，創近5年新高，當中投訴榜首是電訊服務，佔投訴個案3成7，其中12年、13年及14年有關電訊服務投訴分別有6千6百多宗、6千4百多宗及近6千宗，今年1至9月亦有近2千9百宗，當中以收費爭拗的投訴佔最多。