港湧現For Me族　追夢大晒

只為自己理想，不理家人及朋友反對，在職場上「坐唔定」的「For Me族」，已殺入本港！早前有機構調查發現，三成年輕人以自己喜惡為先，不顧他人感受。記者訪問了兩位二十多歲的「For Me族」男女，他們不甘如上一代人，為餬口而工作，為一宿做樓奴。一位醉心風景攝影，另一位想做歌手，他們不顧別人反對，打散工，節衣縮食，誓要於三十歲前編一個「For Me夢」。

「我父母好擔心，驚我將來照顧唔到自己，叫我搵份正職，例如做導遊。」Will Cho年幼時沒有夢想，中學畢業後曾在咖啡店做兼職，閒時即去背包旅行。回來再在咖啡店當全職，三年前辭去工作，每天只做兩件事：行山和攝影，夢想成為風景攝影師。

「一星期行足四、五日大東山，覺得好舒服好自在。」Will承認曾經只是一個追求物質、依賴家人照顧的小伙子。後來他獨自上山，需要解決許多問題，因此變得獨立。「望星空、影山景，思考人生，我將相片上載上網，希望找到知音人。」

一整年沒有工作，他連與朋友聚餐的錢也沒有，「佢哋會夾份請我食飯。」出身漁民世家的Will，沒有太大家庭負擔，辭去全職，無法再給家用。幾近放棄夢想之際，一幀星空照於網上瘋傳，Will一夜成名，變身「銀河小王子」。工作機會開始接踵而來，獲邀做相機代言、節目主持及拍電視廣告等，「終於可以做自己鍾意嘅嘢，我亦有錢間中幫屋企繳交水電費，或請佢哋食飯，但始終都係freelancer，今日唔知明日事。」

有了名氣後，亦獲得家人認同，「佢哋會上我facebook，睇我影過啲相，大家距離都拉近咗。」雖然他相信青春就是本錢，可以揮霍，但亦應有個限期，「如果三十歲都做唔到風景攝影師，我就會搵另一份全職。」

「你無天分，唔好嘥錢！」Melon家人說。Melon：「條路係我自己行，唔關你事。」「我哋反對你學唱歌，擔心你老咗無錢睇醫生。」Melon家人說。「無得驚，到時再算。」 Melon淡淡然回應。

Melon出身基層家庭，父親是貨車司機，母親是校工，哥哥是倉務員。中五畢業後，她做過多份兼職，「侍應、賣雪糕，乜都做過。」後來做過全職，如在漫畫店、超級市場、文具店工作，月入只有六千元至一萬元，「自己都唔夠用，仲點畀錢屋企？」

她深信人生不應只是營營役役，「我夢想係做一個歌手，我覺得人係要生活，唔只係生存！」愛上唱歌，皆因小六時迷上本港一隊女子偶像組合，升中後曾「心郁郁」參加歌唱比賽卻又不敢。

唱歌的種子於兩年前開始萌芽，她學唱歌，至今已經花掉約四萬元。

Melon直言，工作賺回來的錢，大部分都用作交學費，「死慳死抵，都係為咗唱歌。平日逛街，都係得個睇字，唔會買衫買鞋，食飯都係自己去街市買餸煮飯。」

身邊朋友皆不支持，「佢哋覺得應該要儲錢，用嚟買樓結婚生仔。」但她沒有理會，最近更辭去文具店全職工作，騰出更多時間學唱歌，「目標係二十八歲前，成為全職流行歌手。」

更多新聞，請瀏覽太陽報網頁：