華富邨假的士站 阻途人過路視線
「啲的士司機多數都會泊喺度等客,雖然咁樣會方便咗佢哋,但係佢哋啲車停喺度會阻住啲大型車輛出入!」華富邨居民黃先生指邨內範圍並未設有正規的士站,最近之的士站要到鄰近的華貴邨,而現時的士司機為方便接載乘客,大多會將的士停泊在華昌街與華富道交界街口。
黃續指的士長期停泊在上址,佔據近半行車道,影響大型車輛駛出,同時亦阻擋行人橫過街口馬路時的視線,「我哋條邨好多長者,佢哋行過去華貴要成10分鐘,真係有必要喺邨入面整個正規的士站,方便吓啲長者搭!」
記者曾到場視察,發現上址實為「鎖/拖車地帶」,更設有「不可阻塞」字樣的路牌,表明不可停泊車輛以阻塞緊急車輛駛出。惟有關提示如同虛設,的士司機照樣在該處長期停泊候客,車龍更由邨外一直延伸至邨內,當最前一輛的士駛離,後面輪候之的士便會立即從後補上,與一般正規的士站無異。
警方發言人證實,由今年1月至10月共接獲51宗有關上址的違泊投訴,並發出30張定額罰款告票。
而運輸署發言人表示,華富邨附近的公用道路均不設上落客貨限制,因此可供的士上落客,而最近之的士站則位於華貴邨。
房屋署發言人則指,華富道為華富邨的主要交通通道,該路段現時交通已十分繁忙,而華富道於華安樓及華樂樓對出路段,亦已設有巴士站及小巴站,故邨內並無合適位置加設的士站。在接獲轉介後,屋邨辦事處已指示職員留意華昌街與華富道交界的交通情況,若發現有的士因停車等候而阻礙行人橫過馬路或影響大型車輛駛出,必定會即時作出處理。
當區區議員柴文瀚指出,上址是邨內約定俗成之的士站,認為該屋邨的確有加設正規的士站需要,「其實嗰度係有潛質透過一啲措施改成正規的士站!」柴建議房署將上址部分欄杆拆除,稍作其他配套工程,並加強車流管理,既可方便居民,又可確保行車通道不被阻塞及保障行人過路安全。