太和邨樓層空置十年　房署浪費資源

公屋輪候冊人數屢創新高，根據房署網頁記錄，截至今年9月已接獲逾28萬宗申請，一般申請者平均輪候時間超過3年半。不過，大埔居民阿玲（化名）卻指大埔太和邨福和樓地下及2樓原為安老院，多年前遷離上址後，單位一直丟空至今，不滿房署在公屋單位供不應求下，卻未有善用資源，「間老人院都冇咗好多年，但係一直都冇再有其他機構搬入嚟，就咁丟空咗，依家好多人等緊上公屋，如果冇人租點解唔考慮轉返做公屋？」

阿玲又指，自安老院遷出後，有關樓層各個出口均被鎖上，部分更被木板圍封，令樓層彷如「死城」， 氣氛甚為陰森。而涉事樓層的升降機按鈕亦已毫無反應，「我如果唔係行樓梯都留意唔到呢層已經『吉』咗咁耐，但房署佢哋自己物業冇理由都唔知卦？」

房屋署發言人證實，太和邨雖屬「租者置其屋計劃」屋邨，但福和樓地下及2樓為該署的物業，早年曾出租予社福機構作「住宿及護理安老院」。該物業自2005年10月空置後，該署曾多次公開邀請非政府機構或團體租用，雖有機構或團體表示有興趣申請，但最終未能落實，故該署於2011年將地下單位分拆出租予2個非政府機構作其他福利用途。

發言人續稱，現正積極研究將該單位改作其他用途，包括出租予社福機構，惟需取得有關部門批准及符合相關條例，同時亦正研究將該單位改建作住宅用途的可行性。

「咁多年都租唔出就應該盡快轉返做公屋租畀人，雖然只有廿幾個單位，但係轉做公屋都起碼幫到廿幾個家庭！」大埔區議會環境、房屋及工程委員會委員任啟邦直斥房署墨守成規，變相浪費資源，將相關單位空置10年更屬不能接受。任又指土地資源為重要財產，加上公屋供應不足問題已持續多年，促當局盡快將單位改變用途，並要定時檢視轄下物業有否同類情況，確保珍貴資源不被浪費。