油塘邨浴室天花冧石屎　住戶轟房署敷衍處理

「去去下廁所突然天花跌咗一大嚿石屎落嚟，仲有好多碎石散開，真係差少少就跌落我個頭度！」油塘邨居民陳先生表示，12月22日下午在浴室如廁時，近洗手盆的天花突然有一塊石屎連同鋼筋從天花塌下，體積如月餅罐般大，故衝力甚猛，跌落時先撞向牆壁，然後撞向膠盆反彈至地面，導致碎石四散。

陳憶述事件時仍猶有餘悸，「我掛喺牆嘅玉佩斷開兩截，眼鏡又因為我彈開嗰陣撞裂咗，如果我冇即時彈開，一定頭破血流兼破相！」陳事後立即聯絡辦事處，職員到場時稱「冇結構危險，師傅得閒會上嚟整」，陳對於職員未有積極協助極感不滿，「如果得閒先上嚟整，都唔知會唔會繼續跌多幾塊落！」

陳續指，9月曾有房署技工上門檢查單位，但僅檢視鋁窗，「既然派咗人上嚟睇窗，點解唔做個全面結構檢查？嗰時廁所天花已經有油漆剝落，如果檢查晒全屋，可能唔會發生呢件事！」

記者到上址實地視察時，發現浴室地面滿布碎石，而涉事石屎有約9吋長。

房署發言人表示，該邨辦事處當日下午首次接獲有關投訴後，已即時派員實地檢查，並已於12月24日安排進行維修。發言人又指，一般來説，如租客發現單位內有石屎剝落跡象或情況，可立刻通知辦事處跟進。

「房署9月先為榮塘樓嘅單位做完檢查，點知過咗3個月就出事，根本就係睇漏眼！」觀塘區議會房屋事務委員會委員謝淑珍表示，房署近年積極推行「全方位維修」計劃，其中榮塘樓的檢查剛於今年7月展開，認為事件反映檢測計劃出現漏洞，未能有效找出單位結構的潛在危險，建議房署盡快修正，「首要係盡快搵出石屎剝落嘅原因，單位每樣設施都應該做詳細檢查，唔好求其用肉眼望兩下就算！」