水腳黨：扮豪客辦年貨　空頭支票呃回佣

臨近農曆新年，又是騙徒的黃金檔期，過去已經先後有「假鈔黨」及「換錢黨」搵食，最近更有「水腳黨」在各區店舖落手，佯稱會購買大批賀年貨品，游說店舖「開大張單」，再以不能兌現的支票「呃水腳」，伺機賺取回佣。其中大埔有生果檔店主不幸中招，女騙徒聲稱一次過購入90個生果籃送禮，店主卻未送貨先蝕錢；亦有海味店主被兜搭，最後因堅持要收取現金而逃過一劫。記者翻查鄰近店舖的閉路電視，成功找出該名女騙徒。

上周三約下午三時半，一名姓譚身穿黑色外套的中年女子，到大埔一個街市生果檔口聲稱替老闆訂購90個賀年果籃送禮，並指定要月尾送貨。生果檔店主周先生憶述，當時譚指沒有現金在身，改以銀行過數付款，並提議：「你哋（大）果籃每個1,200蚊，賣得好平，不如開單每個寫多啲，銀碼落1,250，你就回返每個50蚊畀我做『水腳』。」

周不以為意，立即答應，譚遂外出過數，未幾返回檔口，向周展示銀行過數收據，並要求收取30個大果籃合共1,500元的回佣。周見對方已經過數，亦即場付款。「嗰陣我冇發現佢用支票戶口過數，第二日先發現過唔到，當時張銀行收據，佢畀我睇一睇，就收返埋！」周坦言，幸好未有訂貨及送出果籃，否則會招致進一步損失，而他將會報警求助。

原來在周「落疊」前，譚曾在街市內四出兜搭，其中一間海味店的老闆娘鄧女士表示，譚在店內一輪挑選後，表示希望購買每両600元的越南燕窩，惟正待交收時，譚卻稱身上沒有現金，要求以支票付款，惟其丈夫堅持要收現金，才未有交易。

記者翻查鄰近店舖的閉路電視，終發現譚的蹤影，譚屬中等身材，束短髮，當時譚與周正途經附近店舖。記者曾到譚留下一個沙田區的送貨地址，透過閘門對講機聯絡有關單位，一名女士接聽，得悉是找譚後，立即掛線；譚的聯絡電話亦未能接通。

事實上，年關將近，是騙徒四出「搵食」的好時機。立法會議員王國興表示，騙徒手法層出不窮，今次則以大額生意引誘商販「落疊」，他建議警方在冬防時間，派員到街市向商戶及市民宣傳，提醒留意騙徒手法，防患未然。