政Whats噏：英籍華人參政　反英針對移民法

過往華人移民海外，好多都只係埋首工作，不問世事，但呢種現象已經開始改變。英籍華人李貞駒(Christine)與梁日昌，最近同幾位朋友成立一個名為「香港英籍華人網絡」嘅組織，聯繫有英國國籍嘅香港華人，善用自已嘅選票或參政權利，發揮公民力量爭取權益。雖然呢個組織開宗明義係鼓勵華人參政，但係身為主席嘅Christine，起初卻係不問政事之人。

話說Christine係新界人，幾歲大就隨家人移民英國，佢同當地好多華人一樣，不太理會英國嘅公共事務。不過，2005年佢發現英國正制訂一條針對移民嘅法案，當中提到如果外來人士訪英簽證不獲續批，則會撤銷在英國本土上訴的權利，要返回原居地重新申請。這條法案一旦通過，對急需外勞的華人餐館，以及華人留學生都有影響。

當時有關法案已經通過二讀，而華人社區卻懵然不知，Christine於是走遍英倫三島向華人社區講解法案，並把意見轉交國會議員，成功逼使法案作出修訂，自此她很支持華人參政。Christine話，英國全國地方選舉、英國脫離歐盟的公投快將舉行，屆時香港的英籍華人亦務必投票以盡公民責任。

※更多政經猛料、秘聞，請關注政Whats噏fb：