網民熱話：女人買鞋是天性 擁百對鞋不罕見
20160321
東網電視
更多新聞短片
有網民表示擁有大量鞋，數量多得「唔敢數」。(資料圖片)
「女人買鞋，千祈唔好問點解。」即使家中的鞋堆積如山，女人仍可以找到千萬個理由叫自己買鞋，買鞋已經等同是女人的天性，但唔好以為買咁多鞋，佢哋就一定着得晒。外國早前就有研究指，一個女人平均擁有19對鞋，但平時只會着4對。近日就有女網民在討論區「親子王國」發貼，叫「絲打」公開自己有幾多對鞋，即時引來多人踴躍回應，有網民指擁有過百對鞋，有人就話「唔敢數」，更有人要租迷你倉來放鞋，十分誇張！
女人鍾意買鞋就如同男人鍾意買模型一樣，未必有實際功能，好多時都得個「擺」字，真正會穿的，來來去去都係那幾對，其他就等封塵。有網民為免愈積愈多，表示「呢幾年開始通常買一對，掉一對」，但掉極都仍尚存20對鞋。有網民就選擇捐去救世軍，認為太多鞋會有罪惡感。有人則因家中太多鞋，搞到「老公唔畀買」。不過綜觀所有留言，似乎個個女人都有10對鞋以上。
揀鞋如揀男人，要做個精明消費者，買之前最好了解自己是否真的有需要，不要輕言被店員「甜言蜜語」攻擊，衝動答應。有專家教路，買鞋最好不要怕麻煩，至少試穿3個尺碼，試小半碼和大半碼的鞋，確保合適；也不要買難以配襯衣服或「唔知啱咩場合」的鞋，以免浪費。
網民有話說
珍珠宮：40對左右卦(掛)...上個月已經拎左(咗)六七對去救世軍，太多既(嘅)話自己都有罪惡感...
珍珠宮：冇數過，亦唔敢數！不過我絕對有理由相信我係一個鞋痴！
大宅：呢幾年開始通常買一對，掉一對。尚存約20對
子爵府：係咪對對也有著(着)？會不會忘記的？
※緊貼網民熱話，掌握最熱話題請關注 on.cc fb：