腳骨斷鬥志不滅　足球小將戰勝「收山腳」

有沒有想過，一個初露光芒的足球小將，首次代表香港出戰大賽，就被對方狠踢斷腳，險些兒要被迫結束職業生涯，如果那人是你，你能夠克服這個難關嗎？

在上年省港盃次回合，被視為港足「未來之星」的黃威，遭廣東隊隊長盧琳從後施展「收山腳」，結果右腳小腿骨折，足球生涯恐怕要提早「收山」。事隔一年，東網記者再次訪問這位23歲的中場球員，他已經隨恩師李志堅由YFC澳滌轉投香港飛馬，展開職業生涯新一頁，再次落場與隊友一齊追逐他的足球夢。

回想當日的傷痛黃威仍記憶猶新，「嗰陣情況係隻腳好似要斷掉，嗰腦諗住會唔會踢唔番波，其實嗰陣諗唔到太多嘢，痛到隻腳痺晒。」黃威受傷後被即時送往醫院治理，他指當時無法好好入睡，會痛到醒，「你唔打止痛針瞓唔到覺，打完止痛針，我諗夜晚瞓前打止痛針，瞓個幾兩小時就會痛醒，有一晚痛到要叫姑娘加大止痛針力度，我先可以瞓到，持續四五日。」

雖然已重返球場，但陰影仍然揮之不去，「陰影其實都是自己帶嗰波時，驚會畀人粗野攔截，唔多唔少有少少驚，你驚一驚諗多零點幾秒，就會無咗機會畀人搶波。」當人生遇到考驗，黃威慶幸身邊有很多人關心他，包括家人、恩師李志堅和隊友，「最大鼓勵係阿sir(李志堅教練)，因為之前可能自己有心理陰影，都會搵佢傾，佢會開解我，叫我唔使擔心會一路幫我。隊友喺我住院時成日來探我，隻腳又唔方便，好多嘢佢地幫我搞。」

傷痕或者永遠不會消退，但這些傷痛經歷，其實可能只是人生的小沙石，忘記傷痛之後，下一步就要思考往後的目標。黃威表示最希望重拾信心，找回從前的自己，「一步一步來，你話可能入返香港隊，嗰啲都不會畀自己太大壓力，最緊要搵返自己，踢返自己嘅足球。」雖然錯失了前幾個月香港隊踢世界盃外圍賽，黃威亦沒有感到失落，他表示自己仍年輕，會好好把握往後的機會。