唔講唔知！香港原來有食雞大賽仲有戰績榜

外國有大胃王比賽，乜原來香港民間都有本土的食雞大賽？視食雞為興趣的網民在facebook成立專頁「KFC Battle Club」，不定期舉辦競食比賽，昨日似乎在尖沙咀金馬倫道一間肯德基(KFC)舉辦第九屆比賽，有東網讀者親眼目睹參與者每人至少吃掉一至兩個的桶餐，食量駭人！比賽食物並非只限炸雞，更有粟米、可樂、葡撻及飯等，其專頁更分享了昨晚戰績，似乎是以每樣食物的卡路里攝取量來計算得分。

「KFC Battle Club」成員食雞食到出神入化，更食出人生道理：「從食雞看破貪嗔癡、從食雞感受高低起跌、從食雞面對人性醜惡」、「炸雞與高牆，我永遠站在炸雞那一邊」，更有成員拍片講述食雞的「哲學」意義。其專頁圖片顯示，昨晚現場有至少8人參與食雞比賽，一夥兒以卡路里計算積分，但根據「戰積榜」，全桶雞的卡路里只得250，相比朱古力新地竟有340，要贏似乎食雪糕化算啲喎！

不過參與者原來要有基本入場要求，就是要完成家鄉雞3件、葡撻4件、粟米、飯及可樂各1份，仲要吃少量薯格及雞粒。叫咁多食物，真係食得晒？食咩都好，記得不要浪費食物，變成「大嘥鬼」呀！