網民熱話：懶羊羊曬太陽　另類萌爆車模

東網電視

小羊躺在一輛私家車車頭冚，享受日光浴。(小心駕駛(討論別人駕駛態度) fb/設計圖片)

如果有人瞓上你的愛車，你可能會勃然大怒，但若果瞓上去的是兩隻精靈可愛的羊咩咩，你又會怎樣呢？有網民近日在facebook上載兩張小羊躺在一輛私家車車頭冚的相片，小羊一派悠然自得，正在享受日光浴，照片引起網民熱話，紛紛笑言：「如果你係車主，睇到此情景心情會如何呢？」

該兩張相片在荃灣川龍拍攝，川龍位於大帽山腰，不時有小動物出沒。有網民指不少市民駕車到附近郊遊，豈料私家車竟被小羊「佔據」。有人笑言，以為在外國才會見到此情景，原來在香港亦可親親大自然，與小動物有近距離接觸；有人則指可能小羊是想做「車模」，故在車子上大擺甫士。

有網民關心小動物的安全，提醒車主在開車前，記得拍一拍車頭提示小動物離開。有市民則指會細心留意有甚麼東西吸引小羊跳上車頭冚，擔心車子的尖物可能會弄傷小羊。

網民有話說

Jjack Chan：佢一生最大既(嘅)自(志)願就係要做一隻專業既(嘅)車模

YYcheng Cheng：喜氣洋洋，好意頭呀！！！

Arsenal Clarence：叫隻羊賠錢，唔賠捉佢做羊腩煲。

Billy Ying：免費，真皮羊毛body Massage抹車，你仲想點？

Calvin Wong：攞返屋企養。

Ken Kmt：見唔見灰太狼？

※緊貼網民熱話，掌握最熱話題，請關注網民熱話fb：

on.cc東網