網民熱話：呻重組句子通順都錯 家長反捱轟
20160411
東網電視
更多新聞短片
一個重組句子的練習，喺facebook激起千重浪。(資料圖片/設計圖片)
大家仲記唔記得小學時做過啲咩功課？重組句子嘅練習應該個個都走唔甩，要將幾個詞語組成通順句子，話難唔難話易唔易，因為隨時有幾個答案，如最近有家長就喺facebook呻，話女兒做重組句子，答案明明通順，但老師就話錯，怒斥老師睇住標準答案做人。不過，網友就唔係幾撐呢位家長，直言答案都要考慮本體及喻體的分別，形容對方又係一個「包拗頸家長」！
引起爭議的練習，係「彩虹 拱橋 天上 一道 好像 的 。」你又會點排先？貼主指，女兒選擇拱橋行先，認為答案應是「拱橋好像天上的一道彩虹。」不過，老師就話答案唔啱，「完全睇唔到錯咗啲乜」的貼主大惑不解，直言老師只是跟着標準答案做人，所以要女兒堅持原先答案，更在練習旁寫「為何不能說：『拱橋好像天上的一道彩虹。』我看不出有何不通順」。
雖然就咁睇句子都通順，有網民亦力撐創意比標準答案更緊要，但有網友就解釋，即使名詞、連接詞、形容詞的擺位都無問題，但中文要用得好，都要運用想像力，該練習中有「好像」兩字，所以是要求學生想「你見到彩虹會諗起拱橋」定「見到拱橋諗起彩虹」。網友坦言，自己傾向前者，因他見到拱橋「只會諗起彭丹」，故正確答案應是「天上的彩虹好像一道拱橋」。
有網友就勸貼主，如果有疑問，應該是向老師虛心學習，如今她的做法，會令小朋友「唔知點去睇老師呢個角色」，並錯失學習真正的批判思考。
網民有話說
Chris Chun：培養學生文字的天馬行空，好過將文字如拼圖積木般的拼砌。
Kitty Law：現在的家長，弄不清楚自己的問題，甚麼都去挑戰老師。
Charlit Li：其實真係無特定答案喎
Jo Lee：其實老師改野(嘢)都係睇個標準答案
Ho King Hon：我們會說她美得像花一樣，而不會說花美得像她一樣。
※緊貼網民熱話，掌握最熱話題，請關注網民熱話fb：