網民熱話：自私男巴士歎榴槤　密室製毒氣？

有人視榴槤為果中之王，美味非常，亦有人形容榴槤味道似「貓屎」，奇臭無比。對於厭惡榴槤的人來說，若在巴士等密封地方聞到榴槤味，更加尤如置身地獄。近日有網民在facebook「小心駕駛(討論別人駕駛態度)」專頁內，張貼一段短片，見一名男子在巴士上層最尾排的窗邊位置進食榴槤，坐在另一端的拍攝者因難忍臭味出言勸止，指車廂內不應進食，而榴槤味亦十分影響其他乘客，要求他停食，惟榴槤男一於少理，更反唇相譏：「你報警囉！」施施然繼續食。

拍攝者對此亦「無符」，只能繼續拍。貼文者更表示，在巴士上見過人食早餐、壽司，甚至湯麵，但要數最經典的卻是榴槤，因榴槤「攻擊性」強，但論臭程度可能臭豆腐才是「最高級」。

不少網民鬧爆榴槤男自私，影響他人，亦有人笑指他「自私食」，應「分甘同味」，才能減少怨氣。另有網民非常「正路」，建議拍攝者通知車長處理，屆時車長就會請榴槤男下車。

而創意無限的網民就延續創作，指若有人在巴士上打邊爐、燒烤，甚至是放題才最頂級，另有建議食瑞典醃鯡魚或馬友蒸肉餅，總之所有食物都「大陣味」，務求嚇走其他乘客。

網民有話說

Hobi Lo：食流年(榴槤)又真係過份D(啲)

Alex Tse Tse：這樣可以分享給全車乘客，大愛精神！！

神威：根據公共服務條例車長係絕對有權請佢落車

Chung Siu：趁佢食梗(緊)拍佢後尾枕....

※緊貼網民熱話，掌握最熱話題，請關注網民熱話fb：