你要知：細路影相扭晒計　三大禁忌咪亂嚟

為人父母都想替小孩子留個回憶，部分家長會親自出手，或找朋友幫忙，甚至出錢找坊間的攝影師操刀，但每次小朋友影相時，父母最擔心孩子「喪喊」扭計。就算家長使出渾身解數，小孩也不肯乖乖就範，令家長十分頭痛。原來孩子怯場並非孩子之過 ，反是家長「一手造成」。從事兒童攝影的專業攝影師教路，孩子表現變差，全因家長錯誤支配孩子，令孩子產生恐懼所致。他直指家長常犯的3大禁忌，只要家長不犯禁，拍攝孩子最美、笑容最甜的照片，並非難事。

家長常犯禁忌1：「心急」

無論在生日會或到影樓拍照，家長都心急要孩子跟拍照的家長或陌生攝影師打成一片，於是急就章在小孩面前刻意介紹拍攝者。從事兒童攝影逾10年的攝影師Excellent認為，刻意的舉措反而令拍攝者成為小朋友焦點，令孩子留意拍攝者一舉一動，最終難以融合，甚至「怕生保」而扭計。Excellent建議，其實只要不經意將拍攝者融入孩子拍照環境一段時間，小朋友感到拍攝者無惡意，便會與拍攝者混熟，戒心放低後拍起照來更事半功倍。

家長常犯禁忌2：「靠嚇」

「陣間影相唔使驚」、「笑真啲呀，如果唔係就罰你喇！」當小孩不肯坐定定拍照，家長有時會搬出命令式的金句「恐嚇」孩子，Excellent指出，此舉大錯特錯。「一講個『驚』字、『罰』字，小朋友就會緊張，仲點叫佢哋好自然好暢快咁被人影相呢？」他稱，要將跟孩子拍照的過程當作是遊戲，當孩子得意忘形時，就按下相機快門，捕捉最自然一刻，自然影到靚相。

家長常犯禁忌3：「強迫望鏡」

不少家長都感到為一群孩子拍集體照非常困難，各個家長以為不停在鏡頭後揮手、引一眾小朋友「望鏡頭」就能吸引孩子注意。Excellent話這樣做反而更令孩子分心，隨時令孩子覺得厭煩，立刻失去拍照耐性。Excellent認為，只要拍攝者投其所好，稍加讚賞，跟孩子熟絡後，拍攝者就可以成為發號司令的大哥哥、大姐姐，加上小朋友間會互相牽引，拍照就變得更易。

後記

為一試專業攝影師的建議要點，東網記者邀請Excellent為素未謀面的17個月大怕醜妹Sophie拍照，Sophie乍見陌生人已攬實媽咪不放，但不消半小時磨合，Sophie已跟攝影師打成一片，Sophie更多次放電且笑逐顏開，認真不可思議！Excellent表示，只要家長再掌握吸引小朋友目光跟大笑的絕招，拍照時便會更得心應手，「小朋友由7個月到3歲，可以喺佢耳邊吹氣、喺旁邊唧一唧佢，大個啲可能加啲笑話『爛Gag』教佢擺Pose，家長負責氹，另一個人負責影。」