你要知︰核突屎坑蟲出沒廁所　可以點做？

「屎坑蟲」殺入屋，3招教你趕走致敏毛蠓！去廁所或洗澡時間中會發現浴室瓷磚牆上有小飛蟲停留﹖用花灑射水也趕不走﹖滅蟲專家指那是俗稱「屎坑蟲」的毛蠓，一般在潮濕地方如污水渠孳生，毛蠓除帶菌外，亦可引致敏感。專家教路，只要3招就能輕鬆杜絕毛蠓，不用再為洗澡期間被飛蟲突襲而擔驚受怕！

毛蠓外型看似小型飛蛾，近看可見蟲身及翅膀滿佈絨毛，常見於浴室之內。「(毛蠓)春天、夏天會開始多，通常都係喺水渠口飛入屋，係一種滋擾性昆蟲。」香港殺蟲業協會公關主任蔡炳然指，春天潮濕季節適合毛蠓生長，家居污水渠等地方潮濕，更常有泥土、頭髮、食物碎屑等有機物沉積，為毛蠓提供理想孳生環境。而毛蠓本身有趨光性，會沿污水渠向室內光源飛入，因毛蠓特性「唔係點飛」，因此經常出沒於浴室及廁所瓷磚牆上。

「比較容易敏感嘅人接觸到(毛蠓)，有機會引致皮膚敏感。」由於毛蠓身上有細毛，除本身會帶有細菌外，亦有可能令容易敏感之人士出現皮膚敏感等問題。蔡教路要杜絕毛蠓，只需3招即可。

「首先要清走污水渠口啲沉積物。」蔡提醒市民先要定期清理污水渠去水口的沉積物，特別是頭髮或泥土等有機物，以免為毛蠓甚至蚤蠅提供孳生環境。第二，以稀釋漂白水倒入去水口以清理污水渠，「衞生惡劣啲嘅地方就用1比49嘅漂白水，一般潮濕嘅去水位就1比99。」

至於最後1招，就是於去水口加裝紗網，阻止毛蠓飛入，不過紗網的大小要顧及去水需要，有需要時可先拆走紗網去水，及後再裝回原位。