政Whats噏：卿姐李慧琼大談南海幫人多勢眾

立法會議員劉慧卿(卿姐)一直因為未獲批出回鄉證而耿耿於懷，連建制派議員李慧琼(Starry)都主動幫卿姐爭取回鄉證，原來Starry咁熱心，皆因佢同卿姐係南海同鄉，佢仲話卿姐一旦獲批回鄉證，就會結伴返鄉下喎。

卿姐話，立法會內嘅「南海幫」真係嚇死你，除咗佢同Starry之外，仲有林健鋒同葉劉淑儀，唔係政黨主席就係行會成員，如果計埋佛山就連主席曾鈺成都係添，卿姐仲周圍問其他議員係咩鄉下，打算同其他鄉里相認。

講到回鄉證問題，卿姐立即大讚Starry乖，一有機會就幫佢爭取，又話Starry後生，所以記性好，一直都記住佢呢個同鄉嘅需要，反而自己就好似老人癡呆咁，過咗去嘅嘢就好快忘記。咁Starry爭取到成果未呢？Starry就話自己好有信心，但需要幾耐時間就真係唔知喇。

※更多政經猛料、秘聞，請關注政Whats噏fb：