每日一片：撞車致大擠塞　司機仲落車Selfie

當遇到車禍而無受傷，相信不少司機或乘客都會拿出手機致電親人報平安，但今日有司機駕車時撞到前方車輛，導致後方大塞車後，竟然走到路中心，拿出手機不是報平安，而是單手插袋瀟灑Selfie（自拍），路上一眾司機見到如此情況當然爆粗鬧爆。

今早上班時間，尖沙咀公主道近康莊道有車輛碰撞意外，一輛私家車與前方一架貨車頭尾相撞，事件中無人受傷，警車之後趕到現場調查。車禍於快線發生，三條行車線變成兩線行駛，後方一眾司機都耐心慢駛等待切線。其中一架平治車輛駛過意外現場時，竟見到兩車相撞地點附近，一名身穿白衫長黑褲的男子在馬路中心拿起手機高舉過頭，另一手則插褲袋，再用身後的車禍現場Selfie。駛過見到如此情況的平治司機即時忍不住自言自語爆粗：「ｘ碌。」然後再嘆一口長氣，「仲要威威咁樣，阻ｘ住晒，ｘ你老味。」

該名平治司機愈想愈氣憤，之後將拍下經過的短片放上網後，又代入自拍男感受寫低他當時心情：「我作為一個seven goo look，能夠硬膠膠地撞到前面架車，搞到公主道塞到Ｘ下Ｘ下阻住大家返工，係我既榮幸！為左紀念呢個珍貴時刻，我決定擺好個靚姿勢selfie一下，他日兒女長大佢地都可以講句：『Papa，I proud of you！！哎喲，唔記得V手添。』

網民看過短片後，指「識影一定係叫埋前車司機一齊影」，亦有網友指下次乘搭港鐵就不怕因此塞車了。