網民熱話：亡母照存手機　孝子大字報求賊還

唔見手機、錢包，除招致財物損失，仲要花時間逐一補領證件，倘若唔止「雙失」，仲要唔見埋極重要、無法補償的的照片或資料，就更係心痛難當。社交網站facebook今日瘋傳數張「大字報」相片，內容為一名遺失了手機的失主，苦苦哀求賊人歸還手機，因手機內有其亡母僅存的照片等資料。不少網民看罷「大字報」深受感動，紛紛分享有關「大字報」相片，並呼籲賊人物歸原主。

據fb貼文指，上述「大字報」出現在將軍澳金門地盤外，數塊白色發泡膠板上滿布密密麻麻的黑色字體，第一張更以「求你了」為開首，內容是手機失主哀求賊人交回手機：「銀包d(啲)錢俾(畀)曬(晒)你，證件唔該俾(畀)返(番)我，證件都可以唔要，但係唔該俾(畀)返(番)手機我，手機入邊d(啲)嘢對我好重要」。

而第二張大字報就透露了事情的發展，物主感激賊人手下留情，讓他拿回留有證件的銀包，免去不少麻煩，並且不介意內裏的現金及八達通不見了，更期望該兩樣東西可以幫到賊人，物主又提到自己的身世，指自己今年20歲，18歲已在地盤工作，其女友亦是地盤雜工，更指資金有問題可以付出努力汗水解決，並鼓勵對方努力去搵錢：「大家可以，你都可以」。

物主再次重申失去的手機十分重要，又指那只是一部用了3年的舊手機，不值錢，但電話入面的資料失去了就永遠都找不回來，當中有與家人的照片等重要資料，更形容自己的心情如「一把刀刺進我的心......我阿媽過世了，唔好連幾張相都唔留畀我留念......」物主又謂：「你只係一時之間的貪念，請不要害我永生沒法釋懷，不要讓這成為沒法醒的夢。問題總能解決，大家都可以幫你，大家都會原諒你，電話請俾(畀)返(番)我，求你了。」

奈何前兩張「大字報」顯然均未能發揮作用，因物主其後寫下第三張「大字報」，再次請求賊人歸還電話：「我知你係個好人，你只係一時之間搵唔到正確的方法去解決問題，你仲可以返轉頭，真心希望你可以幫幫我，搵辦法俾(畀)電話返嚟」。物主更希望賊人回頭，寫出多次「等你」字句，亦表明不作追究，並願重酬1000港元，希望找回遺失的手機。

網民有話說

李樹文：希望你找得返(番)

Rowena Lirolina：好多嘢，幾多錢都買唔到。good luck!

Bowie Wu 好心酸...

Lui Jam Si：我都失過手機，所以絕對明白你嘅心情

※緊貼網民熱話，掌握最熱話題，請關注網民熱話fb：