網民熱話：喔喔喔聲　究竟係公雞定母雞叫？

東網電視

原來母雞同公雞叫聲唔同，你又分唔分到？(fb 群組「不願小朋友成為功課奴隸」/資料圖片/設計圖片)

依家啲小朋友較少機會接觸活家禽，所以對禽鳥的認識都應該非常有限，近日有網民就在facebook群組「不願小朋友成為功課奴隸」分享小朋友的習作，有題目要小朋友配對五種禽鳥的叫聲，原來天鵝的叫聲是「鵝鵝鵝」，母雞同公雞的叫聲又有不同，真係考起不少家長。

貼文的網民指，「小朋友真係好少接觸雞，就算去到街市，都會遠離啲雞檔，好少人會知公雞同母雞叫法嘅分別，我真係唔知原來有分別㗎！」根據習作答案，母雞的叫聲是「咯咯咯」，公雞是「喔喔喔」，鸚鵡是「呱呱呱」，小鳥是「吱吱吱」，天鵝是「鵝鵝鵝」。

該貼文吸引不少網民討論，有人質疑答案準確性，有網民指天鵝叫聲好淒美，絕對不是「鵝鵝鵝」。亦有住村屋的網友指，小時候聽到公雞啼，是「古菇固固咁」叫，未聽過公雞「喔喔喔」叫。

網民有話說

Maggie Yeung：我住村屋，小時候聽到公雞堤(啼)係「古菇固固咁」叫架(㗎)，其實直(真)係無聽過喔喔喔

Miyuki Yak：我覺得小朋友已經好叻，至少唔會答左(咗)呱呱呱同汪汪汪

Licca Yeh：其實動物點叫都是大家約定俗成。就算俾(畀)你聽到真聲都未必識得分係咯咯定喔喔。所以老師都係叫小朋友死記把啦。

Maggie Poon：我地(哋)大人都唔識何況小學一年級，所以我地(哋)家長要重讀小學。

Yoki Lai：下次可能問埋火雞點叫！

Flora Lo：應該問埋烏鴉點叫！傻瓜傻瓜傻瓜！

※緊貼網民熱話，掌握最熱話題，請關注網民熱話fb：

on.cc東網