搜查線：哈迪斯香港分店　開國功臣見證起落

「當年香港哈迪斯因同美國有專營權問題而撤出香港，到最後大家都覺得依然好食，而唔係因為嘢食質素下降而畀人唾棄。我諗呢個就係大家依然咁掛住哈迪斯嘅原因。」曾在香港哈迪斯任職至高級營運經理的Jack，當年是香港派往美國受訓、準備在港開分店的「開國功臣」之一。

Jack收藏多年的Cap帽，是當年在美國受訓時所得，回想當年，他亦有份出力將哈迪斯引入香港，他憶述當年的香港班底下了不少苦功，「嗰時30歲未夠就管香港嘅餐廳，當年美式品牌好保守必須強硬依照美國餐牌，但香港人始終要食飯，我哋好努力爭取加入蘑菇飯等香港哈迪斯先有嘅嘢食，雖然同外國傾到差啲反枱咁濟，但最終好成功，其他國家都嚟取經。」

哈迪斯的全盛時期是1997年，在港曾有超過25間分店，及至後期因全球哈迪斯結業潮，加上香港分店過度擴張未能站穩陣腳，最終導致哈迪斯最後一間馬鞍山分店也於2006年結業。離開哈迪斯後，Jack跟當年兩個哈迪斯戰友Olive及Ricky，在西貢科技大學經營飯堂餐廳，延續當年在哈迪斯共同作戰的時光。雖然西貢餐廳沒有售賣哈迪斯的食物，但當中出售的肉醬熱狗，就仍跟哈迪斯的有幾分相似。

曾任職至高級分店經理的Ricky表示，至今仍不時聽到哈迪斯回歸的傳聞，「依家大家食唔到當然好有幻想，但到真係回歸，食物要保留10年前的風味，仲要好過以前，加上依家市場有咁多競爭，捱得住先係真正考驗。」而曾為分區經理的Olive坦言，至今仍十分回味當年的點滴，希望哈迪斯有一日，真的可能回歸，到時相信大家會和她一樣，立刻重拾當年的美食。