搜查線：店主賣家貓　網友以為違法網絡公審

「各位朋友請留意，有人賣貓，見到請影相報警」，「無牌鬧市販賣動物！」近日網上群情洶湧，直指上水一家服飾店東主兼營賣貓生意，又指販賣家貓行為不可縱容，要求一眾街坊放蛇、錄音、影相搜查證據並報警，且在網絡對店主進行公審。東網記者前往了解，店主聲稱售賣的是自家貓所生，並無違法。店主兒子亦在網上希望眾人了解清楚事件，勿盲目陷好人於不義。

被指賣貓的店舖位於上水石湖墟一家服飾店，根據facebook被人上載的相片顯示，一名女店主在店內放有一個貓籠，內有貓仔，而她當持正手抱另一隻貓仔，貼文人士指「上水賣貓」，又留言向網友查詢應否致電愛護動物協會跟進，之後有網友致電愛協，亦有網友指要報漁護署。

東網記者以顧客身份到該店了解，當時店內放有一個鐵籠，內有3隻貓仔，女店主稱3隻貓仔是自家貓兒所生，每隻售價為100港元，「都唔係用嚟賺錢，賣唔出咪自己養番囉。」至於貓仔有否植入晶片，她稱：「無架，放喺屋企都唔係帶出街。」之後，3隻貓仔已被愛貓人士賣走。

漁護署發言人表示，所有動物售賣商必須領有由漁護署簽發的「動物售賣商牌照」，並遵守發牌條件及營業守則，違者最高罰款2000港元，但在現行法例下，售賣自養的寵物及其後代可獲豁免牌照要求，該署曾派員到有關店鋪巡查，現場沒有發現貓隻，會繼續留意情況。

東網之後再前往店舖找女店主，女店主對被人拍照及放上facebook而大為擔憂，指自己已無賣貓，並不願接受訪問。其兒子則在網上大吐苦水：「我阿媽係一個貓奴，並唔係用貓賺錢的人，佢每個月餵屋企啲貓同流浪貓，都洗幾千蚊，每日都有魚食，隻隻貓B斷咗奶先畀人領養，如果係賺錢點回本？」

至於賣貓一事，他稱，「由於附近好多流浪貓，有部分流浪貓會定期入屋生B，生完可以收養的話，佢都盡量養，唔得佢先搵人要，但有時啲貓B絕育唔切，所以先會生B。因為係咁，有時會有好多貓B，佢自己照顧唔晒先喺舖頭搵人要。 」

而收取100港元費用，他解釋：「之前佢係免費送貓出去，但佢發現有啲阿叔拎咗啲貓返屋企煮，先至象徵式收$100領養，如果你們有喺群貓會領養過貓都知，群貓會會收$500領養費。」最後，他希望網友或愛貓人士，勿在未清楚事件前就影相放上網，「批鬥人之前問清楚，唔好陷好人於不義！」

女店主兒子之後向東網補充，明白網友是關心貓貓，「近年有很多虐貓個案，亦有聽聞繁殖場不人道對待動物，所以有人杯弓蛇影都無可厚非。」