政Whats噏︰AV仁睇艷照好瘀 人民不會忘記

20160708
東網電視
更多新聞短片
AV仁承認艷照醜聞令他感到「好瘀」,就連家人亦尷尬到不想再提。(設計圖片)

民主黨立法會議員何俊仁在前年財爺宣讀財政預算案期間,公然在會議廳席上用平板電腦瀏覽性感女郎艷照,因而被嘲諷為「AV仁」。AV仁去年區議會選舉落敗,之後又宣布不再擔任下屆立法會議員。即將結束議員生涯的AV仁接受傳媒訪問時承認,艷照醜聞令他感到「好瘀」,就連家人都尷尬到不想再提,直言「人民不會忘記」。AV仁從政多年,沒料到因為睇艷照幾分鐘快感搞到多年道行一朝喪!

AV仁當日在會議廳用平板電腦連環瀏覽性感女郎艷照,在他的凌亂枱面上,還放了手抄的南唐李後主李煜《子夜歌》相似的詩詞「人生苦恨誰能免,銷魂獨我情無限」,難以令人聯想瀏覽艷照和吟詩與財政預算案有何關係。AV仁看艷照被發現之後,當時他解釋因為太攰「分咗心」,並就事件道歉,但就死撐話不涉及色情和道德問題。「分咗心」就一定喇,只是諗爆頭都諗唔到點解太攰仲要看艷照啫。

電視台今日(8日)播出AV仁的訪問中,他就被問起這件被形容為「污點」的艷照醜聞,他承認︰「呢件事梗係好瘀啦,成為笑柄啦,我諗唔淨止我覺得尷尬啦,我屋企人都尷尬啦,所以我屋企人、親戚都唔係好想同我提呢件事。」對於睇艷照睇到連累家人,他就當「學咗個咁嘅教訓」,仲話「人民不會忘記」喎。六四事件就話「人民不會忘記」啫,估唔到AV仁的艷照醜聞都要「人民不會忘記」,看來大家每年要一併為艷照主角平反,打倒AV仁至得喇!

不過,AV仁未知是否心有不甘,在訪問中話「你可能一生人做好多嘢,好轟烈,或者做好多嘢覺得做得相當唔錯,(甚至)成為你自己嘅一啲功績,但有啲錯你犯咗嘅話,係可能都會幾傷」。AV仁咁講,莫非他仍自我感覺良好,以為自己一生做了好多好轟烈的事,只不過是難過「美人關」﹖

※更多政經猛料、秘聞,請關注政Whats噏fb:
https://goo.gl/ndFQNz