為養家誤入歧途　在囚青年DSE考24分慰母心

浪子回頭金不換，單親母盼兒「行正路」！今屆文憑試日前放榜，來自破碎家庭的明仔(化名)取得24分佳績，穩奪大學入場券。中四輟學後希望擔起頭家的明仔，因搵錢心切，5年前因販毒遭判囚逾8年，曾為家庭帶來沉重打擊，今次卻為母親帶來一份驚喜。明仔憶述當年出事後由警員押解回家搜屋，家中哭聲瀰漫的一幕，自己只能哭求當時無力跪地的媽媽原諒，而媽媽當時則不斷哀求警察高抬貴手。入獄後經歷過迷茫期，至前年他決意重拾書本，明仔希望明年獲釋後可重過新生；媽媽則只求「個仔出嚟，一家人齊齊整整！」

早年父母離異，致當年僅16歲的明仔抱着長兄為父的想法，中四輟學後投身社會幫補家計：「一家四個(小朋友)好吃力，生活樣樣要錢！」可惜輟學後受損友慫恿，鋌而走險販毒「搵快錢」：「行幾轉就搵到好多錢！最多試過一日運十轉貨，日賺五六千港元，拿回家就騙阿媽在茶餐廳送外賣。」他稱當時抱着僥倖心態，直至毒窩被冚，連同屋內共搜出2公斤俗稱「K仔」的氯胺胴及少量可卡因。5年前被捕的一夜，明仔只能說的話是「阿媽！對不起！」

還押後，兩母子首次在院所見面，當時隔着玻璃，明仔與媽媽提起話筒後，15分鐘的見面中只有陣陣哭聲。明仔稱，事後對於父母曾稍有抱怨：「但人大咗睇開咗，無得勉強(離異)！」明仔被判囚逾8年，他形容初時很難受：「面前黑色一片，出返嚟廿幾歲乜都無，玩完！根本無讀書意志。」即使在獄中半工讀，明仔坦言自己亦根本「不上心」，直至2年前有導師問他「第時出去想做社會包袱定資產﹖」他才重新思考，下決心報讀文憑班：「想做正行必須講學歷，如果不重拾書本，以後或再誤入歧途。」

10個月要追上3年的高中課程，明仔直言相當吃力：「每日除了紀律訓練，幾乎書不離手，唯一的減壓時間就是打籃球。」他最終考獲24分佳績，穩奪大學入場券，但礙於明年才刑滿出獄，明仔今年並無申請大學聯招。他稱正考慮與大學商討酌情安排，或來年重考再申請入學。

同屬應屆考生的明仔弟弟也考獲25分佳績，媽媽形容是雙重驚喜，說時淚水再也擋不住：「欠咗個仔好多！」明媽坦言離婚後患上抑鬱症，至今仍須定期服藥：「曾經兩度嘗試自殺，想帶住四個仔女死！但明仔判監後，又放唔低個仔！」明媽放榜翌日就趕赴院所與愛兒見面：「我同個仔講咩事都好，有因才有果。目前只想湊好三個細路，等明仔出嚟！」除了對兩個兒子有望升讀大學感到欣慰，明媽稱「最緊要齊齊整整，準備好帶哥哥(獲釋後)去飲茶、打邊爐！」