網民熱話：大學新生註冊日帶阿媽一齊去

大學四年制的新學制之下，有些Freshman（新鮮人）可能未足18歲。雖則如此，有人認為既已入大學，就代表已長大成人，是適當時候學會獨立處事，不再事事依靠父母。然而，近日有大學職員耳聞目睹有新生除帶同母親一起來Reg Day（新生註冊日），該母親還替兒子查詢「Ocamp（迎新營）有冇不良意識」，令職員大感驚訝，批評涉事新生連上學也要家長陪同，根本仍未長大。

該職員在facebook專頁「OUHK Secrets」發文，講述在新生註冊日當日已看到有小部分新生帶家長同來。其中一名和母親一起前來的男生，其母更向某學會的莊員查問學會迎新營有沒有不良意識。發文者指「我心諗，吓！咩呢啲唔係嗰位同學做決定嘅咩？」又謂看不過眼有新生連上大學也要家長陪同，擔心對方將來上班，也要家長接送。

事件惹來網民熱議。有人建議直接回答有，並說明Ocamp好危險，叫對方兒子最好退學。亦有人想起近年不少中六畢業生去大學面試，穿起西裝，打扮成熟，但帶上母親一起去的可笑現象。另有人笑稱出街也很危險，例如街上有人講粗口，打架，並趁機揶揄事件中的母親：「太太，有無諗過將佢塞返入你個子宮度呢？」

網民有話說

Ho Kwan Ma：太太……我哋團契嚟架喎……

Kwok Ka Chun：個ocamp冇不良意識，但你個仔要立心不良都冇人幫到佢

Sk Tsang：你個仔都係不良意識後嘅產物

Suki Shum：其實每個人自立嘅步伐都唔一樣，冇必要批判人，做人阿媽擔心個仔問多句我睇唔到有咩錯

Fanny Lee：咁又要反省一下家長點解咁問，年年新聞都話Ocamp玩鹹濕嘢

※緊貼網民熱話，掌握最熱話題，請關注網民熱話fb：

http://on.fb.me/1L3m1ro