網民熱話：稱以本事借錢　無賴債仔話唔使還

東網電視

有債仔辯稱所借的錢是以其「本事」借來，不明為何要還。(資料圖片 / 設計圖片)

正所謂講錢就傷感情，但借得人錢就必須「有借有還」方為人上人。昨晚有網民在社交網站facebook內發貼，並附上一張WhatsApp對話截圖，指被人呃感到難受，債仔辯稱所借的錢是以其「本事」借來，不明為何要還。想不到，債仔發窮惡，連拖延還錢也不願，網民齊呼「學到嘢」。

相中可見，樓主與懷疑是債仔的「阿偉」在WhatsApp聯絡，問阿偉在不在，阿偉回應稱在，當樓主問向阿偉追討借出的3000港元，甚麼時候可歸還時，阿偉竟反問「我點解要還？」直言「呢個係憑我自己本事借來的3000蚊」，更以粗口指罵樓主。

相片被網民瘋傳多個群組內，有勵志網民指，如果用3000港元便可認清一個人都算抵；有網民無奈地稱，就算和朋友有幾熟悉都不會借錢，因為借款後大多都不能再做朋友；有網民則嘆，借錢畀人就企係到，追人還錢就跪係到；有網民戲謔，如果阿偉職業係老千，3000港元的確是依靠他的「本事」取來，還款就不專業。

網民有話說

CK Lai：就算幾好既(嘅)朋友我都唔會借，借左(咗)就多數都冇朋友做

Pang Siu：咁講，如果阿偉既(嘅)職業係老千，果(嗰)3千的確係靠本事千返嚟，還左(咗)就唔專業！

王子康：借錢俾(畀)人果(嗰)陣就企係到，追人還錢果(嗰)陣就跪係到

Ho Yiu Fung：騙子都係靠自己努力賺錢，點解係犯法？

※緊貼網民熱話，掌握最熱話題，請關注網民熱話fb：

on.cc東網