網民熱話：騎呢校規　唔准帶塗改液食香口膠

話咁快暑假又完喇，講起返學，無論你讀緊書定畢咗業，應該對一兩條校規特別有印象，點解？咪因為特別騎呢囉！有facebook專頁就細數部分中學的騎呢校規，好似唔准?香口膠，唔准帶塗改液返學校同着帆船襪等，即時引起大批網民大談那些年，騎唔騎呢就見仁見智，但肯定嘅係你會好有共鳴。

facebook專頁「香港地」列出部分中學的校規，如男生不得電髮，學生嚴禁剪奇異髮型，禁止蓄鬚等，其實都好正路，但有學校禁止學生在街上吃東西，不可向流動小販買食物，就真係嚴咗少少。不過要數較為騎呢，應該係唔畀帶塗改液返學校，網民都唔係好明點解，有人就解釋因為校方驚學生會攞嚟畫枱，同埋聞得多對身體唔好。正面啲睇，有人覺得其實係訓練學生唔好寫錯字，其實「是好事啊」，咦，又好似係喎。

有網民就覺得呢啲校規都「好濕碎」，唔算好騎呢。其他人就一於數埋一份，提到有學校唔准學生頭髮剪得太短，如果太短就要戴假髮；眼鏡框唔准超過0.6cm；個頭唔畀濕水等等。有網民更指，學校校規表明學生放假不准上茶樓飲茶食點心，一律禁止入去玩冒險樂園、海洋公園，如被老師發現，要家長當面解釋，嚴成咁？係真唔係呀。

網民有話說

Elly Chan：啲校規好多根本就係不知所謂

Dia Eugene Hyc：人權何在？

Lok YI：乜會有人守規既(嘅)咩

CK Chan：真係諗唔明點解唔俾(畀)著(着)船襪

Tak Sin：好在我唔係讀名校，而且我離開中學幾年了

※緊貼網民熱話，掌握最熱話題，請關注網民熱話fb：

http://on.fb.me/1L3m1ro