政Whats噏:游BB英文名曝光 同葉劉撞名?

20160908
東網電視
更多新聞短片
游蕙禎英文名叫Regine,同葉劉淑儀英文名Regina十分相似。(資料圖片、游蕙禎 fb / 設計圖片)

新界西候任立法會議員朱凱廸今日(8日)大爆料,指自己人身安全受到威嚇,仲去咗警署報案。同為候任立法會議員嘅青年新政游蕙禎今日就向保安局發信,要求當局派人保護朱凱廸家人,點知令自己英文名「Regina」曝光。估唔到,現年25歲嘅游蕙禎竟然同另一議員、今年66歲嘅葉劉淑儀同名!不過,游蕙禎其實係叫「Regine」,同葉太個名差一個字,原來只係一場誤會。

人稱「游BB」嘅游蕙禎從來都無提過自己英文名,平日都係以全名行走江湖,不過,佢今日畀保安局嘅公開信嘅簽名,疑似用「Regina」去簽名,即刻就引起大家注意。不過,知情者話,游蕙禎其實係叫「Regine」,佢早排都因為個名同葉太相似所以畀朋友嘲笑,所以參選時都好少用英文名。雖然「Regina」同「Regine」只係差一個字,但兩人不論外形、政治取向都好唔同,相信大家都好難會搞錯喇!

※更多政經猛料、秘聞,請關注政Whats噏fb:
https://goo.gl/ndFQNz