食公定食乸？　三招教你揀肥美大閘蟹！

首批太湖大閘蟹今晨抵港應市，一隻6両的大閘蟹賣到320港元，所以要食到靚蟹，一定要識揀，否則只是「嘥錢」。有多年揀蟹經驗的老字號大閘蟹專門店老三陽老闆祁廣楠，現在就教下大家如何挑選！最重要有3個重點：

1.拿起蟹秤下重量，如果蟹重身，8成會是靚蟹。

2.按蟹的第二三隻蟹腳，如果按住感覺實厚，代表蟹肉飽滿。

3.碰一碰蟹的眼睛旁邊，若蟹眼會郁動，代表蟹新鮮生猛。

祁又指，現時至10月前最好揀蟹乸，因蟹乸現時已成熟，10月後又到蟹公成熟，蟹膏將相當肥美，一剪開蟹蓋，膏會流出來。不過，去到11月尾就不要再揀蟹乸了，因蟹膏會變得硬身。他續稱，食大閘蟹的最佳時間在重陽節後，因屆時北風起，大閘蟹不願郁動，亦是最肥美的時候。

---------------------------------

※全新的《熱血高校》手機遊戲，以當年的《熱血硬派》為藍本，畫面亮麗，動作流暢精彩。下載：http://6wav.es/29uCl8u