千色Citistore7日激減　搶貨攻略

20160930
  • 東網電視
    更多新聞短片
    想喺千色Citistore「激拼購物日」買得心頭好，必睇掃貨攻略！
    香港人出名知慳識儉，有着數又點可以錯過！連鎖百貨公司千色Citistore昨日開始，一連7日舉行「激拼購物日」，多種貨品都以折扣價發售，部分特價貨品仲有折上折優惠，勢必吸引大批市民掃貨。想知有咩最抵買，點先可以輕鬆買得心頭好？咁就要睇定以下攻略同精選貨品。
    東網記者昨日在荃灣店，發現現場人頭湧湧，不少人都滿載而歸。其中，高小姐專程前來掃貨，花了800多元，買了風扇、炆燒鍋、花灑頭及茶樹油，「個炆燒鍋原價400幾蚊，依家先270蚊，真係慳咗好多。」而李先生則主攻床上用品，買了羽絨被及多套床單，「總共用咗約1700蚊，應該比原價平咗一半。」你都想搶埋一份？咁就要即睇掃貨攻略！
    邊間店舖有優惠？
    全線千色Citistore，包括荃灣、元朗、馬鞍山、將軍澳、大角咀及屯門6間店舖，都會喺呢7日期間，提供折扣優惠。不過留意返，部分貨品只在指定分店有售，出發前記得睇清楚。
    咩類型貨品有特價？
    大部分貨品都享有折扣優惠，其中小家電包括瀘水器系列可享95折優惠，其他類型嘅貨品，包括時尚服飾、床上用品、家居用品、嬰兒用品等，都有9折優惠，部分特價貨品更有折上折優惠，價格甚至比原價平一半以上！不過，折扣優惠不適用於部分餐廳食肆、部分特約專櫃、部分貨品及部分寄售貨品；亦不適用於購買千色Citistore購物禮券。
    點買先最抵？
    優惠期間，每日都會有唔同嘅激安筍貨，以噚日為例，旋風地拖把折實後只售$44.1，吸引大批市民搶購。而今日會有蜂蜜柚子茶、嬰兒專用清潔濕紙巾、貓頭鷹圖案收納箱，及水晶甜夢枕等多樣貨物有激安優惠，其中水晶甜夢枕更由$949，激減至$197.1，低至原價近2折！不過部分設有限售量，手快有，手慢無，所以記得睇吓有無心水嘅每日限定筍貨。
    搶購完限定筍貨，就可以去家品部睇下，各種家居用品一應俱全，總有一款啱用；如果你鍾意入廚，當然要睇下各種廚具，各種鍋具及真空煲等都以特價發售。現時臨近轉季，被鋪等床上用品亦係必入手之選。
    有冇得送貨？
    於激拼購物日期間，只要購物滿港幣$1,000或以上，就可以享有免費送貨服務喇！不過，部分地區不設送貨服務，詳情記得向千色Citistore職員查詢。
    額外着數？
    只要於活動期間，購物淨值滿$500，即可以優惠價$99，換購26厘米鑽石塗層易潔鍋1個，可用於直火、電爐及電陶爐，數量有限，換購完畢即止。
    部分精選貨品：
    - 韓國製雅窗牌6.5公升蒸氣真空煲 (原價: $1880, 折實價:$1439.1)
    - 伊瑪牌黑蒜機(IGP-50)(原價:$699, 折實價:$531）
    - Mustela髮膚沐浴啫喱(750毫升)(原價:$245, 折實價:$167.4)
    - Pierre Cardin可擴大拉鍊旅行硬箱20寸(原價:$485, 折實價:$436.5)、24寸(原價:$595, 折實價:$535.5)、28寸(原價:$665, 折實價:$598.5)